ن. نازاربايەۆ سوت جۇيەسىندەگى بىلىقتاردى سىنعا الدى
ەسكە سالايىق، جيىن بارىسىندا ەلباسىنىڭ سايلاۋ الدىندا جاريالاعان بەس حالىقتىق رەفورماسىن جۇزەگە اسىرۋ ماسەلەلەرى تالقىلانۋدا.
«زاڭ سالتانات قۇرۋى ءتيىس، بارلىق ازامات زاڭ الدىندا بىردەي بولۋى كەرەك، بۇل گۇلدەنگەن مەملەكەتتىڭ نەگىزى، ەكونوميكالىق ءوسىمنىڭ وزەگى. بۇنى بۇكىل الەم تاجىريبەسى كورسەتىپ وتىر. سوندىقتان دا، ءبىز سۋديالىق لاۋازىمعا كانديداتتارعا بىلىكتىلىك تالاپتارىن قاتاڭداتۋىمىز كەرەك. جاسىراتىنى جوق، سوت جۇيەسىندە بىلىقتار كوپ. ەسكى كادرلار وتىر، ءبىز كىمدى ۇستايىق، كىمدى ۇستامايىق، حالىق ءبارىن كورىپ وتىر»، - دەدى ن. نازاربايەۆ.
وسىلاي دەي كەلە، ەلباسى رەفورما اياسىندا ءدال وسى سالادا كوپ جۇمىس اتقارىلۋى تيىستىگىن اتاپ ءوتتى. «بۇل اۋقىمدى جۇمىستاردى جۇزەگە اسىرۋ بۇگىنگى قىزمەتتە وتىرعان كادرلاردىڭ قولىنان كەلە مە، مەن ول جاعىن بىلمەي وتىرمىن. وسى باعىتتا حالىقارالىق تورەلىك بويىنشا ينۆەستيتسيالىق داۋلاردى شەشەتىن قۇرىلىمدار قالىپتاسادى. مۇنىڭ بارلىعى ۇلكەن جۇمىس»، - دەدى ن. نازاربايەۆ.
اۆتور: قانات مامەتقازى ۇلى
