اسكەري شەرۋدى تاماشالاۋشىلارعا ارنالعان ورىندار شەكتەۋلى

استانا. قازاقپارات - 7 - مامىر كۇنى استانادا وتەتىن اسكەري شەرۋدى تاماشالايمىن دەۋشىلەرگە ارنالعان ورىندار شەكتەۋلى. سوندىقتان قالا اكىمدىگى ەلوردا تۇرعىندارىن ەلباسىنىڭ قاتىسۋىمەن وتەتىن اسكەري شەرۋدى مەملەكەتتىك تەلەارنالاردان، ءارى قالادا ورناتىلاتىن 5 بىردەي لەد ەكراننان تاماشالاۋعا ۇندەيدى.

ايتۋلارىنشا وتكەن جىلدار تاجىريبەسى كورسەتكەندەي، شەرۋ وتەتىن الاڭعا كەلۋشىلەر قاتارى تىم كوپ بولادى. بوس ورىن بولماعاندىقتان، ادامدار قىسپاقتا قالىپ، جەدەل جاردەم شاقىرتاتىن جاعدايلار دا كەزدەسكەن.

 ايتا كەتەيىك، الىپ ەكراندار ەلوردانىڭ بىرنەشە جەرىندە ورناتىلادى. ياعني وقۋشىلار سارايىنىڭ، قازاقستان سپورت كەشەنىنىڭ، قالا اكىمدىگى عيماراتىنىڭ، حايۆەلل تۇرعىن ءۇي كەشەنى مەن بايتەرەك مونۋمەنتى الدىنداعى الاڭداردا جۇرتشىلىق جەڭىس قۇرمەتىنە وتەتىن مەرەكەنى تاماشالاي الادى. سونداي- اق، وسى كۇنى استانانىڭ ءبىرقاتار كوشەلەرىندە تاڭعى ساعات 6-دان 14-00-گە دەيىن كولىك قوزعالىسى توقتاتىلادى.

«استانا» تەلەارناسى