ىستىقكولدە حالال كۋرورت اشىلادى

استانا. قازاقپارات - ءبىزدىڭ ەلدە حالال- تۋريزم جوق، سوندىقتان بۇل قىرعىزستانداعى مۇلدە جاڭا باعىت.

«قازىرگى تاڭدا ءبىز تۇڭعىش حالال دەمالىس ورتالىعىن اشقالى جاتىرمىز، وندا شاريعاتتىڭ بارلىق قاعيداسى ساقتالادى. پانسيونات ءوز جۇمىسىن تۋريستىك ماۋسىمنىڭ باسىنا قاراي باستايدى. مەن ءوز دەمالىس ورتالىعىمدى XVII حالىقارالىق تۋريستىك جارمەڭكەدە تانىستىردىم» ، - دەپ حابارلادى حالال كۋرورتتىڭ باس ديرەكتورى دانيار يساقوۆ. بۇل جايىندا nur.kz اقپارات كوزى حابار تاراتتى.

كاسىپكەر حالال پانسيوناتتا مۇسىلماندارعا ارنالعان تاماقتىڭ بارلىق ستاندارتتارى ساقتالعانىن، سونداي- اق ءار نومىردە جايناماز، قۇراننىڭ بار ەكەنىن جانە بۇل پانسيوناتتا ىشىمدىككە جول بەرىلمەيتىنىن ءتۇسىندىرىپ ءوتتى.

دانيار يساقوۆ دەمالىس ورتالىعىندا ەرلەر مەن ايەلدەرگە ارنالعان بولەك- بولەك جاعاجايلار كۇتىپ تۇرعانىن ايتىپ، جاعاجايلاردىڭ ءبولۋشى جولاقپەن شەكتەلەتىنىن نەمەسە ەرلەر مەن ايەل ادامداردىڭ ولارعا بولەك ۋاقىتتا بارا الاتىندىعىنان حاباردار ەتتى.

«بۇل ءبىز وزىمىزگە بىرەۋ- مىرەۋدى كىرگىزبەيمىز دەگەن ءسوز ەمەس، بىزدە جاي عانا ەرەجە سونداي. نەگىزگى باسىمدىقتى ءبىز شاريعات بويىنشا دەمالۋعا جاسايمىز» ، - دەپ ناقتىلادى حالال كۋرورتتىڭ ديرەكتورى.

حالال دەمالىس ورتالىعىندا 8 جانعا جايلى ءنومىر جانە 2 VIP- ءنومىر، كافە بار جانە بالالار الاڭى قاراستىرىلعان. جاتتىعۋ زالىن سالۋ جوسپاردا بار. حالال دەمالىس ورتالىعى ىستىقكول اۋدانىنىڭ كورۋمدۋ اۋىلىندا ورنالاساتىن بولادى.

 

Ислам кз