ق ر پرەزيدەنتى ءبىرقاتار مەملەكەتتىك قۇرىلىم باسشىلارىن تاعايىندادى

استانا. قازاقپارات - مەملەكەت باسشىسى نۇرسۇلتان نازاربايەۆ ءبىرقاتار مەملەكەتتىك قۇرىلىم باسشىلارىن تاعايىنداۋ تۋرالى جارلىققا قول قويدى، دەپ حابارلايدى اقوردانىڭ باسپا ءسوز قىزمەتى.

 ەلباسى جارلىعىمەن امانتاي جانكە ۇلى كۇرەڭبەكوۆ قازاقستان رەسپۋبليكاسى مەملەكەتتىك كۇزەت قىزمەتىنىڭ باستىعى بولىپ تاعايىندالدى.

قازاقستان رەسپۋبليكاسى پرەزيدەنتىنىڭ ءىس باسقارۋشىسى بولىپ اباي ايدارحان ۇلى بيسەمبايەۆ تاعايىندالدى.

عابيت جاقىپباي ۇلى بايجانوۆ قازاقستان رەسپۋبليكاسى «سىربار» سىرتقى بارلاۋ قىزمەتىنىڭ ديرەكتورى بولىپ تاعايىندالدى.

 قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى بولىپ قايرات پەرنەش ۇلى قوجامجاروۆ تاعايىندالدى.