بۇگىن الەمدە كۇن كۇنى اتالىپ وتۋدە
جەر ءۇشىن كۇن - عارىش ەنەرگياسىنىڭ كوزى. ول وسىمدىك پەن جانۋارلار الەمىنە قاجەتتى جارىق پەن جىلۋ بەرىپ، جەردەگى اتموسفەرانىڭ ماڭىزدى قاسيەتتەرىن قالىپتاستىرادى.
جالپى، كۇن پلانەتانىڭ ەكولوگياسىن انىقتايدى. ونسىز ءومىر سۇرۋگە قاجەتتى اۋا بولماس ەدى. ول مۇز بولىپ قاتىپ قالعان سۋ مەن قۇرىلىقتا سۇيىق ازوتتى مۇحيتقا اينالار ەدى. ءبىز ءۇشىن ماڭىزدىسى، كۇننىڭ ماڭىندا ءبىزدىڭ عالامشارىمىز پايدا بولدى، ودان سوڭ وندا تىرشىلىك پايدا بولدى.
كۇننىڭ كوزى، جەل، تەڭىز تولقىندارى مەن بيوماسسا ءبىزدى قورشاپ تۇرعان جانە پايدالانۋعا بولاتىن ەنەرگەتيكالىق شيكىزات. ونى جەردىڭ استىنان قازىپ الۋدىڭ قاجەتى جوق، ول راديواكتيۆتى قالدىقتاردىڭ، زياندى زاتتاردىڭ پايدا بولۋىنا اكەلمەيدى، ول قايتا جاڭارتىلاتىن ەنەرگيا، دەپ حابارلادى Calend.
1994-جىلدان باستاپ كۇن ەنەرگياسى حالىقارالىق قوعامىنىڭ ەۋروپالىق ءبولىمى جاڭارتىلعان ەنەرگيا كوزىن پايدالانۋ مۇمكىندىگىنە نازار اۋدارۋ ءۇشىن ەركىندىلىك نەگىزىندە جىل سايىن كۇن كۇنىن ۇيىمداستىرادى.
ەنتۋزياستتار مەن كاسىپقوي ماماندار، قوعامدىق ۇيىمدار مەن بۇكىل ەۋروپانىڭ فيرمالارى ءار ءتۇرلى مەرەكەلىك شارالار ۇيىمداستىرادى جانە كۇن ەنەرگياسىن پايدالانۋ مۇمكىندىگى تۋرالى دەمونستراتسيا وتكىزەدى.
