قىرعىزستاننىڭ جاڭا پرەمەر-ءمينيسترى قاتاڭ ءتارتىپ ورناتاتىنىن ايتتى
ونىڭ كانديداتۋراسىن تالقىلاۋ كەزىندە ت. ساريەۆ مينيسترلەر كابينەتىندە ءتارتىپ ورناتاتىنىنا، سونىمەن قاتار قىرعىزستاندا ءادىل پارلامەتتىك سايلاۋ وتكىزۋگە ىقپالداساتىنىنا ءسوز بەردى.
ت. ساريەۆ ۇكىمەت قۇرىلىمىن وزگەرتۋگە ۋاقىت تاپشى ەكەنىن، سوندىقتان ۆاكانتتى ورىندارعا عانا مينيسترلەردى تاعايىنداۋمەن شەكتەلۋ شەشىمى قابىلدانعانىن ايتتى.
وسىلايشا، قارجى ءمينيسترى بولىپ ساريەۆتىڭ بۇرىنعى ورىنباسارى ادىلبەك كاسىماليەۆ، ەكونوميكا ءمينيسترى بولىپ ساريەۆتىڭ تاعى ءبىر بۇرىنعى ورىنباسارى ولەگ پانكراتوۆ، كولىك جانە كوممۋنيكاتسيا ءمينيسترى بولىپ ارگىنبەك مالابايەۆ تاعايىندالدى.
ت. ساريەۆتىڭ كانديداتۋراسىن 97 دەپۋتات قولداپ، ەكەۋى قارسى شىقتى.
ەسكە سالا كەتەيىك، قىرعىزستاننىڭ ەكس-پرەمەر-ءمينيسترى دجوومارت وتوربايەۆ وتكەن اپتادا ءوزىنىڭ وتستاۆكاعا كەتۋىن جاريالاعان.
