ادەپ پەن دورەكىلىك تۋرالى افوريزمدەر

استانا. قازاقپارات -  ءبىز ءومىر ءسۇرىپ وتىرعان زاماندا ۇنەمى مادەنيەتتىلىك تانىتۋ قيىنعا سوعادى. ويتكەنى ادەپتى مىنەزىڭدى السىزدىكپەن شاتاستىرىپ، ءوز مۇددەسىنە پايدالانىپ قالۋدى كوزدەيتىن جاندار كوپ.

 ءتىپتى كۇشتىڭ وزىمەن ەشتەڭە تىندىرۋعا بولماعان جاعدايلاردا دا ادەپ ارقىلى تابىسقا جەتۋگە بولادى.  د. لەببوك

 مەيىرىمدى بولۋ جەتكىلىكسىز، وعان قوسا تاعى ادەپتى بولۋ كەرەك.   ا. الشەل

 جاقسى تاربيە سەنىڭ تۇزدىقتى داستارحانعا توگىپ الماعانىڭ ەمەس، باسقا بىرەۋ سولاي ىستەگەندە، ونى سەنىڭ بايقاماۋىڭ.  ا. پ. چەحوۆ

 بىزگە ەشتەڭە دە سىپايىگەرشىلىكتەي سونشالىق ارزانعا ءتۇسىپ، قىمبات باعالانبايدى.  م. سەرۆانتەس

 شىنايى سىپايىگەرشىلىك ادامدارعا تىلەكتەستىكپەن قاراۋدان تۇرادى.   ج. -ج. رۋسسو

 ادامداردىڭ سىپايىگەرشىلىككە ۋاقىتى جەتپەيتىندەي ءومىر سونشالىق شولاق ەمەس.  ر. ەمەرسون

 جەك كورۋ - بەيشارالىقتىڭ، كەيدە اقىل جۇتاڭدىعىنىڭ بەتكە ۇستاعان پەردەسى، جەك كورۋ دەگەنىمىز - مەيىرىمنىڭ، اقىل مەن ادامداردى ءتۇسىنۋدىڭ جەتىسپەۋشىلىگىنىڭ بەلگىسى.  ا. دودە

 دورەكى بولۋ - ءوز باسىنىڭ قادىر- قاسيەتى تۋرالى ۇمىتۋ دەگەن ءسوز.  ن. گ. چەرنىشيەۆسكي

 دورەكىلىك - رۋحاني وسالدىق.  م. ەبنەر- ەشەنباح

 ادام كەيدە ءوزىنىڭ سەزىمدەرىنە يە بولا الماسا دا، ءاردايىم اۋزىنا يە بولۋعا ءتيىس.  پ. بۋاست

قاتتى سوزدەر كۇشتى دالەل بولا المايدى.  ۆ. و. كليۋچيەۆسكي

ايعاي- شۋ ەشتەڭەنى دالەلدەمەيدى. جۇمىرتقالاعان تاۋىق كوبىنەسە كىشىگىرىم پلانەتا تۋعانداي قوقاقتايدى.  مارك تۆەن

 اۋىزدان شىققان سۋىق ءسوز جۇرەككە جەتكەنشە مۇزعا اينالادى.  ءى. ەسەنبەرلين

massaget.kz