ءبىز جەڭىسىمىزدى ەلباسى نۇرسۇلتان نازاربايەۆقا ارنادىق - ق. ورازبەكوۆ - فوتو

الماتى. قازاقپارات - ءبىز جەڭىسىمىزدى ەلباسى نۇرسۇلتان نازاربايەۆتىڭ كەزەكتەن تىس پرەزيدەنت سايلاۋىنداعى جەتكەن جەڭىسىنە باعىشتادىق.

بۇل تۋرالى بۇگىن الماتىدا وتكەن باسپا ءسوز ءماسليحاتىندا «قايرات» ميني- فۋتبول كلۋبىنىڭ پرەزيدەنتى قايرات ورازبەكوۆ مالىمدەدى.

«ۋەفا كۋبوگىنىڭ فينالى مەن قازاقستاندا كەزەكتەن تىس پرەزيدەنت سايلاۋىنىڭ ءبىر كۇندە وتكەنى تاڭعاجايىپ سايكەستىك، ارينە. بۇل ءبىز ءۇشىن ۇلكەن جاۋاپكەرشىلىك بولاتىن. ويتكەنى، كوپتەگەن قازاقستاندىقتار وسى كۇنى تەلەديدار الدىندا سايلاۋ قورىتىندىسىن كۇتتى. ءبىز فينالدىق ويىن باستالار الدىندا ەلباسىنا حات جولدادىق. وندا سايلاۋدا جەڭىسكە جەتكەنىمەن قۇتتىقتاپ، ءوزىمىز دە جەڭىسكە جەتۋگە كۇش سالاتىندىعىمىزدى جانە ەگەر جەڭىپ شىقساق، جەڭىسىمىزدى ەلباسىنا ارنايتىندىعىمىزدى جازدىق. حات سول مەزەتتە اقورداعا جىبەرىلدى. سوندىقتان ويىنشىلارعا، جاتتىقتىرۋشىلار قۇرامىنا، ديرەكتسياعا بارلىعىنا العىسىمدى شەكسىز العىسىمدى بىلدىرەمىن. ءبىز ۋەفا كۋبوگىن جەڭىپ الدىق»، - دەدى ق. ورازباەكوۆ.

ول سونىمەن قاتار، «قايرات» كومانداسىنىڭ جانكۇيەرلەرىنە دە شەكسىز العىس بىلدىرەتىندىگىن جەتكىزدى.

«ارينە، جانكۇيەرلەرىمىزگە دە ايتار العىسىمىز شەكسىز. ولار بىزگە كەرەمەت قولداۋ كورسەتتى. توقتاۋسىز تەلەفون شالىپ جاتتى. مۇنداي شاتتىق كوڭىلدى، جان تولعانىسىن ايتىپ جەتكىزۋ مۇمكىن ەمەس»، - دەدى ق. ورازبەكوۆ.

ايتا كەتەلىك، ۇستىمىزدەگى جىلدىڭ 24-26 -ءساۋىرى ارالىعىندا پورتۋگاليانىڭ استاناسى ليسسابون قالاسىندا ۋەفا كۋبوگى - ء«تورت كوماندانىڭ فينالى» وتكەن بولاتىن. الماتىنىڭ «قايراتى» ءبىرىنشى ويىندا رەسەيدىڭ «دينا» كلۋبىن 7:4 ەسەبىمەن تىزە بۇكتىردى. ءوز كەزەگىندە يسپانيانىڭ «بارسەلونا» كومانداسى پورتۋگاليانىڭ «سپورتينگىنەن» 5:3 ەسەبىمەن باسىم ءتۇستى.

ال فينالدا «قايرات» كومانداسى «بارسەلونانى» 3:2 ەسەبىمەن جەڭىپ، ءوز تاريحىندا ەكىنشى رەت ۋەفا كۋبوگىن جەڭىپ الدى. ءسويتىپ، 2014/15 فۋتبول ماۋسىمى بويىنشا ەۋروپانىڭ ەڭ ۇزدىك كومانداسى اتاندى.

 

اۆتور: جاپپاربەرگەن ايبوتا