الەم ن. نازاربايەۆتى ق ر پرەزيدەنتىنىڭ سايلاۋىنداعى تاريحي جەڭىسىمەن قۇتتىقتادى - فوتو
رەسەي فەدەراتسياسىنىڭ پرەزيدەنتى ۆلاديمير پۋتين نۇرسۇلتان نازاربايەۆتى قازاقستان رەسپۋبليكاسى پرەزيدەنتىنىڭ سايلاۋىنداعى جەڭىسىمەن قۇتتىقتادى.
بۇل تۋرالى كرەملدىڭ باسپا ءسوز قىزمەتى حابارلادى.
رەسەي مەملەكەتى باسشىسىنىڭ قۇتتىقتاۋ جەدەلحاتىندا داۋىس بەرۋ قورىتىندىلارى قازاقستان ازاماتتارى اراسىنداعى ن. نازاربايەۆتىڭ جوعارى بەدەلىن، مەملەكەت باسشىسىنىڭ ەلدى الەۋمەتتىك-ەكونوميكالىق جەدەلدەتە دامىتۋعا، ەۋرازيالىق ىقپالداستىق ۇدەرىستەرگە بەلسەنە قاتىسۋعا جانە رەسەيمەن ستراتەگيالىق ارىپتەستىك پەن وداقتاستىق قاتىناستاردى نىعايتۋعا باعىتتالعان كەڭ اۋقىمدى باعىتىن قولداپ وتىرعانىن قۋاتتايتىنى اتاپ كورسەتىلگەن.
رەسەي پرەزيدەنتى ەكىجاقتى بايلانىستاردىڭ بارلىق كەشەنىن ودان ءارى ورىستەتۋگە، بىرلەسكەن جۇمىستى جانە ديالوگتى جالعاستىرۋعا، سونداي-اق رەسەي مەن قازاقستان حالىقتارىنىڭ مۇددەسى ءۇشىن ەۋرازيالىق ەكونوميكالىق وداق جانە باسقا دا حالىقارالىق قۇرىلىمدار اۋقىمىندا قۇرلىقتاعى بەيبىتشىلىكتى، تۇراقتىلىق پەن قاۋىپسىزدىكتى قامتاماسىز ەتۋدە سىندارلى ءوزارا ءىس-قيمىلعا ءازىر ەكەنىن اتاپ وتكەن.
سونداي-اق، مەملەكەت باسشىسى رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى.
ۆلاديمير پۋتين نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى.
مەملەكەتتەر باسشىلارى ەكىجاقتى ىنتىماقتاستىقتىڭ كەڭ اۋقىمدى ماسەلەلەرى مەن ۇلى وتان سوعىسىنداعى جەڭىستىڭ 70 جىلدىعىن مەرەكەلەۋ قارساڭىندا ماسكەۋدە بولاتىن كەزدەسۋ جونىندە پىكىر الماستى.
تەلەفون ارقىلى سويلەسۋگە رەسەي جاعى باستاماشىلىق ەتتى.
27- ساۋىردە مەملەكەت باسشىسى بەلارۋس رەسپۋبليكاسىنىڭ پرەزيدەنتى الەكساندر لۋكاشەنكومەن تەلەفون ارقىلى سويلەستى.
الەكساندر لۋكاشەنكو نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى.
مەملەكەتتەر باسشىلارى ەكىجاقتى ىنتىماقتاستىقتىڭ كەڭ اۋقىمدى ماسەلەلەرى مەن ۇلى وتان سوعىسىنداعى جەڭىستىڭ 70 جىلدىعىن مەرەكەلەۋ قارساڭىندا ماسكەۋدە بولاتىن كەزدەسۋ جونىندە پىكىر الماستى.
تەلەفون ارقىلى سويلەسۋگە بەلارۋس جاعى باستاماشىلىق ەتتى.
قىرعىزستان رەسپۋبليكاسىنىڭ پرەزيدەنتى المازبەك اتامبايەۆ نۇرسۇلتان نازاربايەۆقا پرەزيدەنتتىك سايلاۋداعى جەڭىسىنە وراي قۇتتىقتاۋ حاتىن جولدادى.
حابارلامادا ن. نازاربايەۆ جەڭىسى قازاقستاندىقتاردىڭ ونىڭ ەل باسشىسى رەتىندەگى ەرەكشە ەڭبەگىن باعالاعانىن، قازاقستاننىڭ دامۋىنا، حالىقارالىق ارەنادا ەلدىڭ بەدەلىن نىعايتۋعا باعىتتالعان ساياسي-ەكونوميكالىق رەفورمالارعا سەنىمدەرىنىڭ جوعارى ەكەندىگىن كورسەتەتىنى ايتىلعان.
«الداعى ۋاقىتتا بىرلەسكەن كۇشپەن تۋىستاس قاتىناستى، وداقتاستىقتى، ەكى ەل اراسىنداعى ارىپتەستىكتى دامىتا تۇسەتىنىمىزگە سەنىمدىمىن»، - دەپ اتاپ وتىلگەن حابارلامادا.
ا. اتامبايەۆ قازاقستاندىق كوشباسشىعا بارلىق ماقساتتاردى ىسكە اسىرۋدا تولاعاي تابىستار مەن مىقتى دەنساۋلىق، ال قازاقستان جۇرتشىلىعىنا بەيبىتشىلىك پەن تابىس تىلەدى.
مەملەكەت باسشىسى نۇرسۇلتان نازاربايەۆ ءابۋ-ءدابيدىڭ مۇراگەر حانزاداسى، بىرىككەن اراب امىرلىكتەرى قارۋلى كۇشتەرىنىڭ جوعارعى باس قولباسشىسىنىڭ ورىنباسارى شەيح مۇحاممەد بەن زايد ءال ناحايانمەن تەلەفون ارقىلى سويلەستى.
ءابۋ-ءدابيدىڭ مۇراگەر حانزاداسى ەلباسىن پرەزيدەنتتىك سايلاۋداعى جەڭىسىمەن قۇتتىقتادى جانە قازاقستاندى ىلگەرىلەتۋ مەن وركەندەتۋگە باعىتتالعان اۋقىمدى رەفورمالاردىڭ تابىستى جۇزەگە اسىرىلاتىنىنا سەنىم ءبىلدىردى.
سەربيا پرەزيدەنتى توميسلاۆ نيكوليچ تەلەفون ارقىلى سويلەسۋ بارىسىندا نۇرسۇلتان نازاربايەۆتى قازاقستان رەسپۋبليكاسى پرەزيدەنتىنىڭ سايلاۋىنداعى ايقىن جەڭىسىمەن قۇتتىقتادى.
قازاقستان پرەزيدەنتى سەربيانىڭ ە ق ى ۇ- عا ءتوراعالىعى ۋكرايناداعى داعدارىستى رەتتەۋگە جانە ۇيىمعا قاتىسۋشى-ەلدەردىڭ سىندارلى ديالوگىن دامىتۋعا قىزمەت ەتەتىنىنە سەنىمىن ءبىلدىردى.
مەملەكەت باسشىسى سونداي-اق قازاقستان-سەرب دوستىق قاتىناستارىن ودان ءارى نىعايتا ءتۇسۋ جولىنداعى تىعىز بىرلەسكەن جۇمىسقا ءازىر ەكەنىن قۋاتتادى. اڭگىمە سەرب تاراپىنىڭ باستاماسىمەن بولدى.
نۇرسۇلتان نازاربايەۆ ازەربايجان رەسپۋبليكاسىنىڭ پرەزيدەنتى يلحام اليەۆپەن تەلەفون ارقىلى سويلەستى.
يلحام اليەۆ نۇرسۇلتان نازاربايەۆتى 26- ساۋىردە وتكەن كەزەكتەن تىس قازاقستان پرەزيدەنتى سايلاۋىنداعى سەنىمدى جەڭىسىمەن قۇتتىقتادى.
سونداي-اق ەكى مەملەكەت باسشىلارى 2014-جىلعى 29- قىركۇيەكتەگى استراحان قالاسىندا كاسپي ماڭى مەملەكەتتەرىنىڭ ءتورتىنشى سامميتى اۋقىمىندا وتكەن كەزدەسۋ بارىسىنداعى قول جەتكىزىلگەن ۋاعدالاستىقتاردى جۇزەگە اسىرۋدىڭ جانە ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى.
اڭگىمە ازەربايجان تاراپىنىڭ باستاماسىمەن ءوتتى.
مەملەكەت باسشىسى ۆەنگريا پرەمەر-ءمينيسترى ۆيكتور وربانمەن تەلەفون ارقىلى سويلەستى. ۆيكتور وربان نۇرسۇلتان نازاربايەۆتىڭ پرەزيدەنتتىك سايلاۋداعى ايقىن جەڭىسىمەن قۇتتىقتادى جانە قازاقستاندىق حالىق الدىندا تۇرعان اۋقىمدى رەفورمالاردى جۇزەگە اسىرۋدا تابىستار تىلەدى.
سونداي-اق وسى جىلعى ءساۋىر ايىندا بولعان ۆەنگريا پرەمەر-ءمينيسترىنىڭ قازاقستانداعى ساپارىنىڭ قورىتىندىلارىن ەسكەرە وتىرىپ، ەكىجاقتى قاتىناستاردىڭ پەرسپەكتيۆالارى تالقىلاندى. اڭگىمە ۆەنگر تاراپىنىنڭ باستاماسىمەن بولدى.
وزبەكستان پرەزيدەنتى يسلام كارىموۆ نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى.
- وتكەن سايلاۋداعى ءسىزدىڭ ايقىن جەڭىسىڭىز حالىقتىڭ جوعارى سەنىمىنىڭ جانە ءوزىڭىزدىڭ كورەگەن باسشىلىعىڭىزبەن جۇرگىزىلگەن، قازاقستان حالقىنىڭ باقۋاتتىلىعىنا، سونداي-اق ەلدىڭ حالىقارالىق ارەناداعى ءرولى مەن بەدەلىن ارتتىرۋعا باعىتتالعان قوعامدىق-ساياسي، الەۋمەتتىك-ەكونوميكالىق تەرەڭ رەفورمالاردى قولداۋىنىڭ ايشىقتى ايعاعى بولدى، - دەلىنگەن جەدەلحاتتا.
وزبەكستان پرەزيدەنتى سان عاسىرلىق ءداستۇرلى دوستىققا، تاتۋ كورشىلەستىككە جانە ءوزارا قۇرمەتكە نەگىزدەلگەن جان-جاقتى دامۋ مەن ەكىجاقتى قارىم-قاتىناستىڭ نىعايۋى بۇدان ءارى دە ەكى ەل حالقىنىڭ مۇددەسىنە، وڭىردەگى بەيبىتشىلىك پەن تۇراقتىلىقتىڭ ساقتالۋىنا قىزمەت ەتە بەرەتىنىنە سەنىم بىلدىرگەن.
- وسى مۇمكىندىكتى پايدالانا وتىرىپ، سىزگە مىقتى دەنساۋلىق، سارقىلماس كۇش-جىگەر جانە مەملەكەتتىك قىزمەتىڭىزگە جاڭا تابىس، ال باۋىرلاس قازاقستان حالقىنا يگىلىك پەن باق-بەرەكە تىلەيمىن، - دەلىنگەن قۇتتىقتاۋدا.
تاجىكستان پرەزيدەنتى ەمومالي راحمون نۇرسۇلتان نپازاربايەۆتى پرەزيدەنتتىك سايلاۋداعى جەڭىسىمەن بايلانىستى شىن جۇرەكتەن قۇتتىقتادى.
- ءوزىنىڭ ەرىك-قالاۋى ارقىلى قازاقستان حالقى ەلدى وركەندەتۋگە، ونىڭ حالىقارالىق ارەناداعى بەدەلىن ۇزدىكسىز ارتتىرۋعا جانە حالقىنىڭ باقۋاتتىلىعىنا باعىتتالعان ءسىزدىڭ جاسامپاز ساياساتىڭىزدى كەڭىنەن جانە ءشۇباسىز تۇردە قولدايتىنىن بۇكىل الەمگە پاش ەتتى. بۇل جولدا جەتكەن جەتىستىكتەر ءسىزدىڭ ەسىمىڭىزبەن تىكەلەي بايلانىستى، - دەلىنگەن جەدەلحاتتا.
تاجىكستان پرەزيدەنتى سونداي-اق ءوزارا ءتيىمدى ەكىجاقتى قارىم-قاتىناستىڭ دامۋىن اتاپ وتكەن.
- ءسىز الدا دا ەلدەرىمىز بەن حالىقتارىمىز اراسىنداعى ءوزارا ىقپالداستىقتىڭ اياسى كەڭەيە، تەرەڭدەي تۇسۋىنە سەپتىگىڭىزدى تيگىزە بەرەتىنىڭىزگە سەنىمدىمىن. ءوز تاراپىمىزدان ءبىز ەكى مەملەكەت اراسىنداعى دوستىق قارىم-قاتىناستىڭ نىعايۋى ءۇشىن قاجەتتى نارسەنىڭ بارلىعىن جاسايتىن بولامىز، - دەلىنگەن جەدەلحاتتا.
سوڭىندا ەمومالي راحمون مەملەكەت باسشىسىنا مىقتى دەنساۋلىق، ۇزاق ءومىر، قازاقستاننىڭ دامۋى جولىندا تىڭ تابىستار مەن جاڭا جەتىستىكتەر تىلەدى.
ق ح ر ءتوراعاسى شي جينپيڭ نۇرسۇلتان نازاربايەۆقا ونىڭ پرەزيدەنتتىك سايلاۋدا جەڭىسكە جەتۋىنە بايلانىستى قۇتتىقتاۋ جەدەلحاتىن جولدادى.
شي جينپيڭنىڭ اتاپ وتكەنىندەي، قىتاي مەن قازاقستان - جاقسى كورشىلەر، دوستار جانە سەرىكتەستەر. ديپلوماتيالىق قاتىناستار ورناتىلعان سوڭ ەكىجاقتى بايلانىستار تابىستى دامىپ جاتىر. قىتاي قازاقستانمەن قاتىناسىنا ءارقاشان ۇلكەن كوڭىل ءبولىپ، ولاردىڭ ستراتەگيالىق ارىپتەستىگىن ساپالى جاڭا دەڭگەيگە شىعارۋ ءۇشىن كۇش سالۋعا دايىن.
تۇركيا رەسپۋبليكاسىنىڭ پرەزيدەنتى رەجەپ ەردوعان نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى قۇتتىقتاۋ جەدەلحات جولدادى.
- قازاقستان ءسىزدىڭ باسشىلىعىڭىزبەن حالىقتىڭ ءال- اۋقاتىن كوتەرۋگە باعىتتالعان باستامالارىن تابىستى جالعاستىراتىنىنا سەنىمدىمىن. ءبىزدىڭ ەلدەرىمىزدىڭ اراسىنداعى تىلدىك، مادەني جانە تاريحي بايلانىستاردىڭ ورتاقتىعىنا نەگىزدەلگەن ستراتەگيالىق سەرىكتەستىك بۇدان ءارى دە حالىقتارىمىزدىڭ يگىلىگى ءۇشىن، سونداي-اق وڭىردەگى بەيبىتشىلىك پەن تۇراقتىلىق ءۇشىن دامي بەرەتىنىنە تاعى دا سەنىم بىلدىرەمىن، - دەپ اتاپ وتىلگەن جەدەلحاتتا.
سونىمەن قاتار، رەجەپ ەردوعان تاياۋدا قازاقستانعا جاساعان ساپارى كەزىندەگى جىلى قابىلداۋ مەن قوناقجايلىق ءۇشىن مەملەكەت باسشىسىنا ريزاشىلىعىن ءبىلدىردى.
سوڭىندا تۇركيا پرەزيدەنتى ەلباسى نۇرسۇلتان نازاربايەۆقا مىقتى دەنساۋلىق، باقىت، تابىس، ال قازاقستان حالقىنا باق-بەرەكە تىلەدى.
سونداي-اق، نۇرسۇلتان نازاربايەۆ مالايزيا پرەمەر-ءمينيسترى نادجيب تۋن رازاكپەن تەلەفون ارقىلى سويلەستى.
نادجيب تۋن رازاك نۇرسۇلتان نازاربايەۆتى 26- ساۋىردە وتكەن قازاقستان رەسپۋبليكاسى پرەزيدەنتىنىڭ سايلاۋىنداعى تاريحي جەڭىسىمەن قۇتتىقتادى.
اڭگىمە بارىسىندا ەكى ەلدىڭ كوشباسشىلارى ساياسي، ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتى ودان ءارى نىعايتۋ ماسەلەلەرىن ەگجەي-تەگجەيلى تالقىلادى.
تاراپتار ەكى مەملەكەتتىڭ وڭىرلىك جانە حالىقارالىق وزەكتى ماسەلەلەر بويىنشا ۇستانىمدارى ۇقساس ەكەنىن اتاپ ءوتتى.
تەلەفونمەن سويلەسۋگە مالايزيا تاراپى باستاماشىلىق ەتتى.
مەملەكەت باسشىسى اتىنا ونىڭ قازاقستان رەسپۋبليكاسى پرەزيدەنتى بولىپ سايلانۋىنا بايلانىستى رەسەي فەدەراتسياسى ۇكىمەتىنىڭ ءتوراعاسى دميتريي مەدۆەديەۆتەن قۇتتىقتاۋ جەدەلحاتى كەلىپ ءتۇستى.
دميتريي مەدۆەديەۆ نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى.
- سايلاۋداعى ايقىن جەڭىس ءسىز جۇرگىزىپ وتىرعان ستراتەگيالىق باعىت قازاقستان حالقىنىڭ كەڭ قولداۋىنا نەگىزدەلگەنىن كورسەتتى. ءسىزدىڭ باسشىلىعىڭىزبەن رەسپۋبليكا الەۋمەتتىك-ەكونوميكالىق دامۋ جانە ازاماتتاردىڭ ءال-اۋقاتىن ارتتىرۋ باعىتىندا العا ىلگەرىلەۋىن جالعاستىراتىنىنا سەنىمدىمىن، - دەلىنگەن جەدەلحاتتا.
رەسەي پرەمەر-ءمينيسترى قازاقستاندىق سەرىكتەستەرىمەن كووپەراتسيالىق بايلانىستاردى دامىتۋ ءۇشىن جاڭا مۇمكىندىكتەر اشاتىن ەۋرازيالىق ەكونوميكالىق وداق اياسىنداعى ءوزارا ىقپالداستىقتى جانداندىرۋعا ءازىر ەكەنىن ءبىلدىردى.
- ءبىز ءسىزدىڭ رەسەي مەن قازاقستاندى بىرىكتىرەتىن دوستىقتى، تاتۋ كورشىلىك پەن سەرىكتەستىكتى نىعايتۋعا، ءتۇرلى سالالارداعى اۋقىمدى ەكونوميكالىق جوبالاردى جۇزەگە اسىرۋعا قوسقان زور ۇلەسىڭىزدى باعالايمىز، - دەپ اتاپ وتىلگەن جەدەلحاتتا.
سوڭىندا دميتري مەدۆەديەۆ قازاقستان پرەزيدەنتىنە مىقتى دەنساۋلىق، اماندىق جانە قازاقستان حالقىنىڭ يگىلىگى جولىندا جاڭا تابىستار تىلەدى.
نۇرسۇلتان نازاربايەۆتى قازاقستانداعى پرەزيدەنتتىك سايلاۋداعى جەڭىسىمەن يران يسلام رەسپۋبليكاسىنىڭ پرەزيدەنتى حاسان رۋحاني قۇتتىقتادى.
بۇل تۋرالى يران رەسپۋبليكاسىنىڭ قازاقستانداعى ەلشىلىگىنەن حابارلادى.
«قۇرمەتتى قازاقستان رەسپۋبليكاسىنىڭ پرەزيدەنتى اسا مارتەبەلى نۇرسۇلتان ءابىش ۇلى نازاربايەۆ مىرزا!
ءسىزدى قازاقستان رەسپۋبليكاسىنىڭ پرەزيدەنتى بولىپ قايتا سايلانۋىڭىزبەن قۇتتىقتايمىن! بۇل تاڭداۋ يران يسلام رەسپۋبليكاسى مەن قازاقستان رەسپۋبليكاسىنىڭ جاۋاپتى تۇلعالارىنىڭ ەكى جاقتى قارىم-قاتىناستار اياسىندا جوسپارلانعان باعدارلامالاردى جۇزەگە اسىرۋدا ەڭبەكتەرىنىڭ جەمىستى بولۋى ءۇشىن جاقسى مۇمكىندىك جاسايدى.
جاراتۋشى يەمىزدەن سىزگە مىقتى دەنساۋلىق پەن زور جەتىستىكتەر تىلەيمىن. قازاقستاننىڭ دوس ءارى باۋىرلاس حالقى مەن ۇكىمەتى وركەندەپ، مەرەيى اسقاقتاي بەرسىن!» - دەلىنگەن قۇتتىقتاۋدا.
ۆەنگريا پرەزيدەنتى يا. ادەر ءوز قۇتتىقتاۋىندا قازاقستان ۆەنگريانىڭ ورتالىق ازيا وڭىرىندەگى ستراتەگيالىق سەرىكتەسى ەكەنىنە توقتالعان.
«ساياسات، ەكونوميكا، مادەنيەت جانە ءبىلىم بەرۋ سالاسىنداعى ءبىزدىڭ بايلانىستارىمىزدىڭ سوڭعى جىلدارى بۇرىنعىدان دا قارقىندى بولا تۇسكەنى ءۇشىن رياسىز قۋانىشتىمىن. ءبىزدىڭ ىنتىماقتاستىعىمىزدى تەرەڭدەتە ءتۇسۋ جولىندا بار كۇش- جىگەرىمدى جۇمسايتىنىما سەندىرەمىن»، - دەلىنگەن جەدەلحاتتا.
بوسنيا جانە گەرتسەگوۆينا پرەزيديۋمىنىڭ ءتوراعاسى م. يۆانيچ نۇرسۇلتان نازاربايەۆتىڭ جەڭىسى ەلدى ءتيىمدى باسقارۋعا بايلانىستى حالىق سەنىمىنىڭ جوعارى ەكەنىن ايعاقتاعانىنا نازار اۋداردى.
گەرمانيانىڭ بۇرىنعى فەدەرالدىق پرەزيدەنتى ح. كەلەر قازاقستان نۇرسۇلتان نازاربايەۆتىڭ باسشىلىعىمەن قازىرگى كەزدەگى سىن-قاتەرلەرگە قاراماستان، ەكونوميكالىق رەفورمالار مەن دەموكراتيالىق جاڭعىرۋ ۇدەرىسىن زور قۋاتپەن جانە جاڭاشا جىگەرمەن جالعاستىراتىنىنا سەنىم بىلدىرگەن.
گەرمانيانىڭ بۇرىنعى فەدەرالدىق كانتسلەرى گ. شرەدەر دە قۇتتىقتاۋ جولداپ، قازاقستان نۇرسۇلتان نازاربايەۆتىڭ پرەزيدەنتتىگى كەزىندە تاڭدانارلىق تابىستارعا جەتكەنىن جانە حالىقارالىق قوعامداستىقتىڭ اسا قۇرمەتتى ءارى تانىمال قاتىسۋشىسىنا اينالعانىن اتاپ وتكەن.
«ءسىز قازاقستان مەن گەرمانيا قارىم-قاتىناستارىنىڭ دا سوڭعى 20 جىلدا كەرەمەت دامۋىنا عالامات ۇلەس قوستىڭىز جانە ءسىزدىڭ ەل گەرمانيا ءۇشىن وڭىردەگى ماڭىزدى سەرىكتەسكە اينالدى»، - دەلىنگەن قۇتتىقتاۋدا.
باراك وباما نۇرسۇلتان نازاربايەۆتى ق ر پرەزيدەنتى سايلاۋىندا جەڭىسكە جەتۋىمەن قۇتتىقتادى، دەپ حابارلادى ا ق ش- تىڭ قازاقستانداعى ەلشىلىگى.
«ا ق ش پرەزيدەنتى باراك وباما نۇرسۇلتان نازاربايەۆتى جاڭا پرەزيدەنتتىك مەرزىمىنىڭ باستالۋىمەن قۇتتىقتاپ، امەريكاندىق حالىقتىڭ اتىنان قازاقستان حالقىنا جىلى سالەمىن جەتكىزىپ، ەلگە بەيبىتشىلىك پەن يگىلىك تىلەدى»، دەلىنگەن حابارلامادا.
انگەلى مەركەل نۇرسۇلتان نازاربايەۆتىڭ اتىنا ونىڭ قازاقستان رەسپۋبليكاسى پرەزيدەنتى بولىپ سايلانۋىنا بايلانىستى گەرمانيا فەدەرالدىق كانتسلەرى انگەلا مەركەلدەن قۇتتىقتاۋ جەدەلحاتى كەلىپ ءتۇستى.
انگەلا مەركەل نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن شىن جۇرەكتەن قۇتتىقتايتىنىن جەتكىزگەن.
«قازاقستان گەرمانيا ءۇشىن ماڭىزدى سەرىكتەس بولىپ قالا بەرەدى. ءسىز ەلدەرىمىز اراسىنداعى سەنىمگە قۇرىلعان سەرىكتەستىك قارىم-قاتىناستار اياسىن بۇدان ءارى كەڭەيتۋ، سونداي-اق قازاقستاندا دەموكراتيا، قۇقىقتىق مەملەكەت جانە ازاماتتىق قوعام قاعيداتتارىن نىعايتۋ ىسىندە ءاردايىم فەدەرالدىق ۇكىمەتتىڭ قولداۋىنا سەنىم ارتۋىڭىزعا بولادى»، - دەلىنگەن جەدەلحاتتا.
سوڭىندا ا. مەركەل قازاقستان پرەزيدەنتىنىڭ قويىلعان مىندەتتەردى ودان ءارى جۇزەگە اسىرۋ باعىتىنداعى جاۋاپتى قىزمەتىنە تابىس تىلەدى.
ابدەل فاتتاحا اس-سيسي ەگيپەت پرەزيدەنتى ابدەل فاتتاح اس-سيسي نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن شىن جۇرەكتەن قۇتتىقتادى.
«ءسىزدىڭ قاجىرلى قىزمەتىڭىز مەملەكەتتى دامىتۋ مەن وركەندەتۋگە باعىتتالعان. ەكىجاقتى ىنتىماقتاستىقتى ودان ءارى دامىتۋعا جانە ەكى ەل حالقىنىڭ يگىلىگى ءۇشىن دوستىق، تاريحي بايلانىستارىمىزدى كەڭەيتۋگە نيەتتەستىك بىلدىرۋگە رۇقسات ەتىڭىز»، - دەلىنگەن جەدەلحاتتا.
سوڭىندا ەگيپەت پرەزيدەنتى نۇرسۇلتان نازاربايەۆقا مىقتى دەنساۋلىق، ال قازاقستان حالقىنا تاتۋلىق پەن باق-بەرەكە تىلەدى.
ساۋلي نيينيستە فينليانديا پرەزيدەنتى ساۋلي نيينيستە نۇرسۇلتان نازاربايەۆتى پرەزيدەنت سايلاۋىنداعى ايقىن جەڭىسىمەن قۇتتىقتادى.
«ءسىزدى قازاقستان رەسپۋبليكاسى پرەزيدەنتى قىزمەتىنە سايلانۋىڭىزبەن رياسىز كوڭىلدەن قۇتتىقتاۋعا ماعان رۇقسات ەتىڭىز. سونشالىق جوعارى ءارى جاۋاپتى قىزمەتىڭىزدىڭ ودان ءارى تابىستى بولۋىنا تىلەكتەستىگىمدى قابىل الىڭىز»، - دەلىنگەن جەدەلحاتتا.
ابداللا II يبن حۋسەين يوردانيا كورولى II ابداللا يبن حۋسەين جەكە ءوزىنىڭ جانە يوردان حالقىنىڭ اتىنان نۇرسۇلتان نازاربايەۆتى پرەزيدەنت سايلاۋىنداعى جەڭىسىمەن قۇتتىقتادى.
«قازاقستانمەن بارلىق سالاداعى مەملەكەتارالىق قارىم-قاتىناسىمىزدى ودان ءارى دە ورىستەتۋگە، سونداي-اق دوستاس ەلدەرىمىزدىڭ مۇددەسى جانە بۇكىل مۇسىلمان الەمىنىڭ يگىلىگى ءۇشىن قاۋىپسىزدىكتى، تۇراقتىلىق پەن بەيبىتشىلىكتى قامتاماسىز ەتۋدەگى كۇش-جىگەرىمىزدى ارتتىرۋعا دەگەن ۇمتىلىسىمىزدى اتاپ وتكىم كەلەدى»، - دەلىنگەن جەدەلحاتتا.
سوڭىندا يوردانيا كورولى نۇرسۇلتان نازاربايەۆقا مىقتى دەنساۋلىق تىلەپ، دوستاس قازاقستان حالقىنىڭ ىلگەرىلەۋى مەن ءوسىپ-وركەندەۋىنە نيەتتەستىك ءبىلدىردى.
اندريس بەرزينش لاتۆيا رەسپۋبليكاسىنىڭ پرەزيدەنتى اندريس بەرزينشتەن نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن شىن جۇرەكتەن قۇتتىقتادى.
«ەلدەرىمىزدىڭ ەكىجاقتى قارىم-قاتىناستارىن تەرەڭدەتۋگە ءسىزدىڭ قوسىپ وتىرعان جەكە ۇلەسىڭىزدىڭ ارقاسىندا لاتۆيا مەن قازاقستاننىڭ اراسىنداعى ىنتىماقتاستىقتىڭ تۇراقتى تۇردە دامىپ، نىعايىپ كەلە جاتقانىن ايتقىم كەلەدى. قازاقستان مەن ەۋروپالىق وداق اراسىنداعى ىنتىماقتاستىقتىڭ كەڭەيۋىنە جوعارى باعا بەرۋگە رۇقسات ەتىڭىز. لاتۆيا ءوز تاراپىنان بۇل ۇدەرىسكە بۇدان ءارى دە بەلسەندى ىقپال ەتۋگە نيەتتى»، - دەلىنگەن جەدەلحاتتا.
لاتۆيا پرەزيدەنتى قازاقستان پرەزيدەنتىنە مىقتى دەنساۋلىق جانە جاۋاپتى مەملەكەتتىك لاۋازىمىندا تابىس، ال دوستاس قازاقستان حالقىنا گۇلدەنۋ تىلەگەن.
تساحياگيين ەلبەگدورج موڭعوليا پرەزيدەنتى تساحياگيين ەلبەگدورجدان نۇرسۇلتان نازاربايەۆتى پرەزيدەنت سايلاۋىنداعى ايقىن جەڭىسىمەن قۇتتىقتادى.
«سىزبەن موڭعوليا جانە قازاقستان اراسىنداعى ءداستۇرلى دوستىق قارىم-قاتىناستار اياسىن ودان ءارى كەڭەيتۋ ىسىندە ىنتىماقتاساتىنىمىزعا قۋانامىن»، - دەلىنگەن جەدەلحاتتا.
سوڭىندا تس. ەلبەگدورج قازاقستان پرەزيدەنتىنە دەنساۋلىق، جۇمىسىنا تابىس، ال دوستاس قازاقستان حالقىنا باق-بەرەكە تىلەدى.
