باتىرحان شۇكەنوۆتىڭ ەسىمى حالقىمىزدىڭ جادىندا ساقتالا بەرەدى - مەملەكەت باسشىسى

استانا. قازاقپارات - ەلباسى نۇرسۇلتان نازاربايەۆ بەلگىلى مۋزىكانت، ەسترادا ءانشىسى ءارى كومپوزيتور باتىرحان شۇكەنوۆتىڭ قايتىس بولۋىنا بايلانىستى مارقۇمنىڭ وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى.

بۇل تۋرالى اقوردانىڭ باسپا ءسوز قىزمەتىنەن حابارلادى.

جەدەلحاتتا ب. شۇكەنوۆ جان-جاقتى دارىندىلىعى، جوعارى ورىنداۋشىلىق شەبەرلىگى جانە جەكە باسىنىڭ قاسيەتتەرىمەن ميلليونداعان تىڭداۋشىلاردىڭ سۇيىكتىسى بولعانى اتاپ وتىلگەن.

«وسىنداي ادامنىڭ كەنەتتەن قايتىس بولۋى ءبارىمىزدى وكىندىرىپ وتىر. ونىڭ ەسىمى جانە ورىنداۋىنداعى شىعارمالارى حالقىمىزدىڭ جادىندا ساقتالا بەرەدى»، - دەلىنگەن جەدەلحاتتا.