نۇرسۇلتان نازاربايەۆ قازاقستان الدىندا تۇرعان بەس اۋقىمدى ىشكى مىندەتتى اتادى

استانا. قازاقپارات - استاناداعى تاۋەلسىزدىك سارايىندا ق ر پرەزيدەنتىن ۇلىقتاۋ راسىمىندە ەلباسى نۇرسۇلتان نازاربايەۆ قازاقستان الدىندا تۇرعان بەس اۋقىمدى ىشكى مىندەتتى اتادى.

مەملەكەت باسشىسى، بىرىنشىدەن، ەلىمىزدىڭ تۇراقتىلىعىنىڭ تىرەگى رەتىندە ورتا ساناتتاعىلاردىڭ ۇلەسىن ارتتىرۋ كەرەكتىگىن اتادى. وسى ورايدا بيزنەستى دامىتىپ، ونىڭ ساقتاۋ كەرەكتىگىن قاداپ ايتتى.

«ەكىنشىدەن، ءبىز ۇلكەن ەلمىز. سوندىقتان دا بىزگە ءبىرىڭعاي ىشكى نارىقتى دامىتۋ كەرەك. بارلىق وڭىرلەردىڭ تەڭدەستىرىلگەن دامۋى بولۋى ءتيىس»، - دەدى پرەزيدەنت.

سونىمەن قاتار ن. نازاربايەۆ ءۇشىنشى ماقسات - سىبايلاس جەمقورلىقپەن كۇرەسكە نەگىزدەلگەنىن جانە بۇل باستى باسىمدىقتاردىڭ ءبىرى بولىپ سانالاتىندىعىن جەتكىزدى.

«ءتورتىنشىسى، جاڭا جۇمىس ورىندارىن قۇرۋعا بايلانىستى. ول ءۇشىن يندۋستريالدىق باعدارالاما جۇزەگە اسىرىلۋدا، سونداي- اق بيزنەس دامۋدا. بەسىنشىسى، تاريحتىڭ جاڭا ساباعىندا ۇلتتىق بىرلىگىن نىعايتۋ»، - دەدى ەلباسى.

اۆتور: رۋسلان عابباسوۆ