12:03, 29 - ءساۋىر 2015 | GMT +5
ءبىزدىڭ جوعارى جالپى ۇلتتىق مۇددەمىزدى قورعايتىن بولامىن - ن. نازاربايەۆ
استانا. قازاقپارات - ءبىزدىڭ جوعارى جالپى ۇلتتىق مۇددەمىزدى قورعايتىن بولامىن. بۇگىن ق ر پرەزيدەنتىنىڭ ۇلىقتاۋ راسىمىندە ەلباسى نۇرسۇلتان نازاربايەۆ وسىلاي دەدى.
«سىزدەردىڭ سەنىمدەرىڭىز ءار ۋاقىتتا دا مەنى قاناتتاندىرادى. سەنىم مەن كۇش سىيلايدى. قازىر دە بارلىق جاۋاپكەرشىلىكپەن بۇعان دەيىنگى جىلدارداعىداي حالىققا ادال قىزمەت ەتەتىندىگىمىدى، ەلدى قورعايتىندىعىمدى، بارلىق ءبىزدىڭ ازاماتتارىمىزدىڭ ءال-اۋقاتىن جاقسارتاتىندىعىمدى اتاپ وتكىم كەلەدى. ءبىزدىڭ جالپى ۇلتتىق مۇددەمىزدى قورعايتىن بولامىن»، - دەدى ق ر پرەزيدەنتى.
سونىمەن قاتار ەلباسى 26- ساۋىردە وتكەن پرەزيدەنتتىك سايلاۋ قازاقستان حالقىنىڭ ۇيىمشىلدىعىن، اۋىزبىرشىلىگىن جانە بولاشاققا ۇمتىلىسىن پاش ەتكەندىگىن باسا ايتتى. «ءبىز - ءبىر وتباسىمىز، بىزدە ءبىر وتان بار، ول - قازاقستان رەسپۋبليكاسى. ءبىزدىڭ ءارقايسىمىزدىڭ تاعدىرىمىز - قازاقستاننىڭ تاعدىرى»، - دەدى ۇلت كوشباسشىسى.
اۆتور: مارلان جيەمباي
