يران پرەزيدەنتى حاسان رۋحاني ن. نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى

استانا. قازاقپارات - ەلباسى نۇرسۇلتان نازاربايەۆتى قازاقستانداعى پرەزيدەنتتىك سايلاۋداعى  جەڭىسىمەن يران يسلام رەسپۋبليكاسىنىڭ پرەزيدەنتى حاسان رۋحاني قۇتتىقتادى.

بۇل تۋرالى يران رەسپۋبليكاسىنىڭ قازاقستانداعى ەلشىلىگىنەن حابارلادى. 

«قۇرمەتتى قازاقستان رەسپۋبليكاسىنىڭ پرەزيدەنتى اسا مارتەبەلى نۇرسۇلتان ءابىش ۇلى نازاربايەۆ مىرزا!

ءسىزدى قازاقستان رەسپۋبليكاسىنىڭ پرەزيدەنتى بولىپ قايتا سايلانۋىڭىزبەن قۇتتىقتايمىن! بۇل تاڭداۋ يران يسلام رەسپۋبليكاسى مەن قازاقستان رەسپۋبليكاسىنىڭ جاۋاپتى تۇلعالارىنىڭ ەكى جاقتى قارىم-قاتىناستار اياسىندا جوسپارلانعان باعدارلامالاردى جۇزەگە اسىرۋدا ەڭبەكتەرىنىڭ جەمىستى بولۋى ءۇشىن جاقسى مۇمكىندىك جاسايدى.

جاراتۋشى يەمىزدەن سىزگە مىقتى دەنساۋلىق پەن زور جەتىستىكتەر تىلەيمىن. قازاقستاننىڭ دوس ءارى باۋىرلاس حالقى مەن ۇكىمەتى وركەندەپ، مەرەيى اسقاقتاي بەرسىن!» - دەپ جازىلعان قۇتتىقتاۋدا.