پرەزيدەنتتىك سايلاۋداعى جەڭىسىنە بايلانىستى ەلباسىنىڭ اتىنا حاتتار مەن جەدەلحاتتار كەلىپ تۇسۋدە
بۇل تۋرالى اقوردانىڭ باسپا ءسوز قىزمەتىنەن حابارلادى.
قازاقستان پرەزيدەنتى اتىنا شەتەل مەملەكەتتەرى مەن ۇكىمەتتەرى باسشىلارىنان، قازاقستاندىق جانە شەتەلدىك ءتۇرلى ۇيىمدار جەتەكشىلەرىنەن كوپتەگەن حاتتار كەلىپ ءتۇستى. اۆتورلار ەلدى بۇدان ءارى قاراي تابىستى دامىتىپ، بەدەلىن نىعايتۋ، بارلىق قازاقستاندىقتاردىڭ ءال- اۋقاتىنىڭ ارتۋىن قامتاماسىز ەتۋ ءۇشىن نۇرسۇلتان نازاربايەۆتىڭ جەڭىسى ماڭىزدى ەكەنىن اتاپ وتكەن.
ۆەنگريا پرەزيدەنتى يا. ادەر ءوز قۇتتىقتاۋىندا قازاقستان ۆەنگريانىڭ ورتالىق ازيا وڭىرىندەگى ستراتەگيالىق سەرىكتەسى ەكەنىنە توقتالعان.
«ساياسات، ەكونوميكا، مادەنيەت جانە ءبىلىم بەرۋ سالاسىنداعى ءبىزدىڭ بايلانىستارىمىزدىڭ سوڭعى جىلدارى بۇرىنعىدان دا قارقىندى بولا تۇسكەنى ءۇشىن رياسىز قۋانىشتىمىن. ءبىزدىڭ ىنتىماقتاستىعىمىزدى تەرەڭدەتە ءتۇسۋ جولىندا بار كۇش- جىگەرىمدى جۇمسايتىنىما سەندىرەمىن»، - دەلىنگەن جەدەلحاتتا.
بوسنيا جانە گەرتسەگوۆينا پرەزيديۋمىنىڭ ءتوراعاسى م. يۆانيچ نۇرسۇلتان نازاربايەۆتىڭ جەڭىسى ەلدى ءتيىمدى باسقارۋعا بايلانىستى حالىق سەنىمىنىڭ جوعارى ەكەنىن ايعاقتاعانىنا نازار اۋداردى.
گەرمانيانىڭ بۇرىنعى فەدەرالدىق پرەزيدەنتى ح. كەلەر قازاقستان نۇرسۇلتان نازاربايەۆتىڭ باسشىلىعىمەن قازىرگى كەزدەگى سىن- قاتەرلەرگە قاراماستان، ەكونوميكالىق رەفورمالار مەن دەموكراتيالىق جاڭعىرۋ ۇدەرىسىن زور قۋاتپەن جانە جاڭاشا جىگەرمەن جالعاستىراتىنىنا سەنىم بىلدىرگەن.
«بۇل ورايدا ءسىز مەنى ءاردايىم ءوزىڭىزدى قولدايتىن بۇرىنعى ارىپتەسىڭىز ءارى دوسىڭىز رەتىندە قاراستىرۋىڭىزعا بولادى»، - دەپ جازادى اۆتور.
گەرمانيانىڭ بۇرىنعى فەدەرالدىق كانتسلەرى گ. شرەدەر دە قۇتتىقتاۋ جولداپ، قازاقستان نۇرسۇلتان نازاربايەۆتىڭ پرەزيدەنتتىگى كەزىندە تاڭدانارلىق تابىستارعا جەتكەنىن جانە حالىقارالىق قوعامداستىقتىڭ اسا قۇرمەتتى ءارى تانىمال قاتىسۋشىسىنا اينالعانىن اتاپ وتكەن.
«ءسىز قازاقستان مەن گەرمانيا قارىم-قاتىناستارىنىڭ دا سوڭعى 20 جىلدا كەرەمەت دامۋىنا عالامات ۇلەس قوستىڭىز جانە ءسىزدىڭ ەل گەرمانيا ءۇشىن وڭىردەگى ماڭىزدى سەرىكتەسكە اينالدى»، - دەلىنگەن قۇتتىقتاۋدا.
رەسەي فەدەراتسياسى فەدەرالدىق جينالىسى مەملەكەتتىك دۋماسىنىڭ دەپۋتاتى، ك س ر و حالىق ءارتىسى ي. كوبزون جىلى لەبىزدى قۇتتىقتاۋىن جولدادى.
«مەن قازاقستان ازاماتتارىنىڭ تاڭداۋى دۇرىس ەكەنىنە كۇماندانبايمىن. ءسىزدى كوپ جىلدان بەرى بىلەمىن جانە ءسىزدىڭ دانالىعىڭىز بەن كاسىبيلىگىڭىزگە تامسانۋمەن كەلەمىن»، - دەپ جازادى ي. كوبزون.
اۆتور سونداي-اق قازاقستان پرەزيدەنتىنە مىقتى دەنساۋلىق جانە بارلىق باستامالارىنا تابىس تىلەيدى.
«يتەرا» حالىقارالىق كومپانيالار توبىنىڭ پرەزيدەنتى ي. ماكاروۆ سايلاۋداعى بۇكىلحالىقتىق داۋىس بەرۋ قورىتىندىلارى قازاقستان پرەزيدەنتىنە جانە ونىڭ جۇرگىزىپ وتىرعان ساياساتىنا دەگەن سەنىمنىڭ جوعارى ەكەنىن تاعى دالەلدەگەنىن اتاپ وتكەن.
«جاڭا داۋىردەگى قازاقستاننىڭ ماڭىزدى تاريحي جاڭعىرۋلارىنىڭ بارلىعى ءسىزدىڭ ەسىمىڭىزبەن بايلانىستى. ازاماتتار ءسىزدىڭ قىزمەتىڭىزدىڭ ناتيجەسىن - ەلدىڭ قارقىندى دامۋىن، الەۋمەتتىك سالاداعى بەلسەندى ىلگەرىلەۋىن، تۇرمىس دەڭگەيى مەن ازاماتتاردىڭ ءال- اۋقاتىنا قاتىستى قامقورلىقتىڭ ۇلعايۋىن لايىقتى باعالايدى. ءسىزدىڭ قايتا سايلانۋىڭىز قازاقستان رەسپۋبليكاسى ءۇشىن تاعدىرشەشتى ماڭىزعا يە ەكەنىنە سەنىمدىمىز جانە بۇل تۇراقتىلىق پەن ءسىزدىڭ تاماشا ەلىڭىزدىڭ ىلگەرىلەۋ مەن وركەندەۋ جولىنداعى جۇيەلى قادامىنىڭ نەگىزگى فاكتورى بولىپ سانالادى»، - دەلىنگەن حاتتا.
رەسەيلىك Global Venture Alliance كومپانياسىنىڭ پرەزيدەنتى م. مۋسايەۆ ءبىزدىڭ رەسپۋبليكا وتكەن جىلدار ىشىندە الەمدەگى ەڭ قارقىندى دامۋشى ەلدەردىڭ بىرىنە اينالعانىنا، ەكونوميكا مەن الەۋمەتتىك سالادا زور جەتىستىكتەرگە جەتكەنىنە نازار اۋدارعان.
«ءسىز كورەگەندىكپەن جانە دانالىقپەن يننوۆاتسيالىق دامۋعا، ءىرى ينۆەستيتسيالار تارتۋعا، الەمدىك ساناتتاعى بىلىكتى كادرلار كورپۋسىن قالىپتاستىرۋعا باعدار ۇستادىڭىز»، - دەپ جازادى اۆتور.
«اق جول» دەموكراتيالىق پارتياسىنىڭ ءتوراعاسى ا. پەرۋاشەۆ نۇرسۇلتان نازاربايەۆتىڭ ايقىن جەڭىسى مەملەكەت باسشىسىنىڭ باستاماسىمەن جۇزەگە اسىپ جاتقان ەكونوميكالىق جانە دەموكراتيالىق جاڭعىرۋلاردى قازاقستان حالقى قولدايتىندىعىنىڭ ايعاعى ەكەنىن اتاپ وتكەن.
«سايلاۋ بارىسىندا جۇزەگە اسقان حالىق تاڭداۋى يندۋستريالاندىرۋ باعدارلاماسىن تابىستى جۇزەگە اسىرۋدىڭ، وتاندىق ەكونوميكا مەن بيزنەستى الەمنىڭ جەتەكشى ەلدەرى دەڭگەيىنە شىعارۋدىڭ، ءاربىر وتباسىنىڭ تۇرمىس دەڭگەيىن ايتارلىقتاي كوتەرۋدىڭ كەپىلى بولاتىنىنا سەنىمدىمىن»، - دەلىنگەن قۇتتىقتاۋدا.
بوكستان كاسىپقويلار اراسىنداعى الەم چەمپيونى گ. گولوۆكين ءوز جەدەلحاتىندا نۇرسۇلتان نازاربايەۆتىڭ داۋسىز ءارى ايقىن جەڭىسى قازاقستاندىقتاردىڭ ءوز ەلىنىڭ بولاشاعى جولىنداعى تۇتاستىعىن، بىرلىگى مەن كەلىسىمىن پاش ەتكەنىن اتاپ ايتقان.
«ۋاقىتىمنىڭ كوبىن شەتەلدە وتكىزە ءجۇرىپ، وزگە مەملەكەتتەردىڭ ازاماتتارى ءبىزدىڭ ەلگە قانداي قۇرمەتپەن قارايتىنىن كورەمىن. ميلليونداعان وتانداستارىمنىڭ قاتارىندا مەن دە تۇراقتىلىق، وركەندەۋ جانە ەلىمىزدىڭ ۇلتتىق يدەالدارى ءۇشىن داۋىس بەردىم. كەلەسى جەكپە- جەگىمە دايىندىعىم ءوتىپ جاتقان ا ق ش-تا ءجۇرىپ، مەن ءوز داۋسىمدى سىزگە بەردىم»، - دەپ جازادى اۆتور.
گ. گولوۆكين سونداي-اق كاسىبي رينگتەگى جەڭىستەرىمەن وتانداستارىمىزدى بۇدان ءارى دە قۋانتىپ، قازاقستانعا بارلىق الەم چەمپيوندارى بەلبەۋلەرىن اكەلۋ ءۇشىن بار كۇشىن سالاتىنىن دا اتاپ ايتقان.
وپەرا ءانشىسى م. مۋدرياك مەملەكەت باسشىسىنىڭ پرەزيدەنتتىك سايلاۋدا جەڭەتىنىنە سەنىمدى بولعانىن ايتادى.
«ءسىز ماعان ومىرگە جولداما بەردىڭىز. مەنىڭ جەتكەن جەتىستىكتەرىمنىڭ ءبارى ءسىزدىڭ تۇراقتى قولداۋىڭىزدىڭ ارقاسىندا مۇمكىن بولدى»، - دەپ جازادى اۆتور.
«كازكا» قازاقستان كاسىپكەرلەرى قاۋىمداستىعىنىڭ مۇشەلەرى داۋىس بەرۋ قورىتىندىلارى مەملەكەت باسشىسىنىڭ وتانداستارى الدىنداعى بيىك بەدەلىن جانە ەڭبەگىنىڭ مويىندالۋىن، سونداي- اق قازاقستاننىڭ دامۋىنداعى وزەكتى مىندەتتەردى شەشۋدەگى تابىستارىن ايعاقتايتىنىن اتاپ كورسەتكەن.
پەتروپاۆل قالاسىنداعى «تانويل» ج ش س جۇمىسشىلارى مەملەكەت باسشىسىن سايلاۋداعى ايقىن جەڭىسىمەن قۇتتىقتاپ، سايلاۋشىلاردىڭ بەلسەندىلىگى مەن نۇرسۇلتان نازاربايەۆقا بەرىلگەن داۋىستاردىڭ سانى ۇلت كوشباسشىسى دەگەن اتاققا لايىقتىلىعىنىڭ دالەلى ەكەنىن ايتقان.
«سوڭعى ون جىلدا بۇكىل قازاقستان بويىنشا شاعىن جانە ورتا كاسىپكەرلىكتىڭ كوپتەگەن سۋبەكتىلەرى اشىلدى. كاسىپكەرلىكتى قولداۋعا ەل بيۋدجەتىنەن وراسان قاراجات ءبولىنىپ، بيۋروكراتيالىق كەدەرگىلەر جويىلۋدا. ءبىز قازاقستانىمىزدىڭ سەنىمدى قولدا ەكەنىنە ءشۇبالانبايمىز»، - دەلىنگەن قۇتتىقتاۋدا.
قاراعاندى مەملەكەتتىك تەحنيكالىق ۋنيۆەرسيتەتىنىڭ ۇجىمى وتانداستارىمىز سايلاۋدا ەل باسشىلىعىن تاعى دا نۇرسۇلتان نازاربايەۆقا سەنىپ تاپسىرعانىنا توقتالعان.
«سىزگە ءوز تاعدىرىن سەنىپ تاپسىرعان قازاقستان حالقى باستامالارىڭىزدى قولدايدى جانە ەل الدىنا قويىلعان اۋقىمدى ماقساتتارعا جەتۋ ءۇشىن جۇمىلا جۇمىس ىستەيتىن بولادى»، - دەپ جازادى اۆتورلار.
م. ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ وقىتۋشى- پروفەسسورلار قۇرامى مەن ستۋدەنتتەرى ءوز قۇتتىقتاۋلارىندا قازاقستاننىڭ تاۋەلسىزدىك جىلدارى قيىندىقتاردى تابىستى ەڭسەرە وتىرىپ، بۇكىل الەم مويىنداعان بەدەلدى ەلگە اينالعانىن ايتقان.
ۇلى وتان سوعىسى ارداگەرلەرىنىڭ رەسپۋبليكالىق كەڭەسىنىڭ مۇشەلەرى نۇرسۇلتان نازاربايەۆتىڭ پرەزيدەنتتىك سايلاۋداعى جەڭىسى ونىڭ ەڭبەگىنىڭ مويىندالۋى مەن بۇكىل قازاقستان حالقى سەنىمىنىڭ كورىنىسى بولىپ تابىلاتىنىن جازعان.
«ءبىزدىڭ قازاقستاندىقتار سوعىس مايداندارىندا جەڭىستى شىڭدادى. ءسىز بەيبىت ۋاقىتتا جەڭىستى شىڭدادىڭىز. ول دا وتە ماڭىزدى. ويتكەنى، بۇل - ءبىزدىڭ بالالارىمىز بەن نەمەرەلەرىمىزدىڭ بولاشاعى. بۇل - قازاقستاندىق ساياساتتىڭ سالتاناتى، ەل بولاشاعىنىڭ تابىسى»، - دەلىنگەن قۇتتىقتاۋدا.
وڭتۇستىك قازاقستان وبلىسىنىڭ ارداگەرلەرى مەن زيالى قاۋىم وكىلدەرى مەملەكەت باسشىسى ۇسىنعان «قازاقستان - 2050» ستراتەگياسىن ءتيىمدى جۇزەگە اسىرۋ ەلىمىزدىڭ الەمدەگى دامىعان 30 مەملەكەتتىڭ قاتارىنا قوسىلۋىن قامتاماسىز ەتەتىنىنە، ال «نۇرلى جول» باعدارلاماسى الەمدىك ەكونوميكا دامۋىنداعى كۇردەلى كەزەڭدى ەڭسەرۋگە مۇمكىندىك بەرەتىنىنە سەنىمدىلىك بىلدىرگەن.
قازاقستان حالقى اسسامبلەياسىنىڭ مۇشەلەرى وتكەن سايلاۋدا ەلدى باتىل العا باستاپ كەلە جاتقان ءوز كوشباسشىسىنا داۋىس بەرۋ ارقىلى تاريحي تاڭداۋ جاساعانىن اتاپ وتكەن.
«قازاقستاندىقتار بولاشاق الدىنداعى جاۋاپكەرشىلىكتى، ەل مەن حالىقتىڭ بيىك مۇددەسىن سەزىنۋ تۇرعىسىنان شەشىم قابىلداپ، وزدەرىنىڭ ازاماتتىق جانە پاتريوتتىق پارىزىن ورىندادى. ءبىز ءسىزدىڭ باسشىلىعىڭىزبەن قازاقستاننىڭ ءوز دامۋىنداعى بارلىق ماقساتتارىنا جەتىپ، باقۋاتتى ءارى وركەندەگەن ەلدىڭ ۇلگىسىنە اينالاتىنىنا نىق سەنىمدىمىز»، - دەپ جازادى اۆتورلار.
قازاقستان حالقى اسسامبلەياسىنىڭ اتىنان سايلانعان پارلامەنت ءماجىلىسىنىڭ دەپۋتاتتارى سايلاۋ ناتيجەلەرى ەلدىڭ ىشكى جانە سىرتقى ساياساتتاعى داۋسىز تابىستارىنا نەگىزدەلگەنىنە توقتالعان.
«ءسىزدىڭ جەڭىسىڭىز - قازاقستاننىڭ الەمدەگى دامىعان 30 ەلدىڭ قاتارىنا قوسىلۋ باعىتىنداعى تاعى ءبىر كەزەڭى، بۇل - ءبىزدىڭ ماڭگىلىك ەل بولۋ جولىنداعى تابىستى ىلگەرىلەۋىمىز»، - دەلىنگەن حاتتا.
قازاقستان حالقى اسسامبلەياسىنىڭ XXII سەسسياسىنا قاتىسۋشىلار وسى شارا تولەرانتتىلىق، دوستىق جانە باۋىرلاستىق يدەياسى قازاقستان حالقىنىڭ ەڭ باستى قۇندىلىقتارى بولىپ قالا بەرەتىنىن نىق سەنىممەن دالەلدەگەنىن اتاپ وتكەن.
«ءسىزدىڭ قاراپايىم مۇعالىمگە، سپورتشىعا، ايەل- اناعا، ارداگەر اقساقالعا دەگەن قامقور كوڭىلىڭىز ءبىزدىڭ بارىمىزگە ادامزاتتى ءسۇيۋدىڭ، دانالىقتىڭ جانە ادامدارعا، ورتاق تاريحىمىزعا دەگەن قامقورلىقتىڭ ۇلگىسىن كورسەتتى. قازاقستان حالقى سايلاۋدا ءوز داۋىستارىن تاتۋلىققا، دوستىق پەن كەلىسىمگە بەرۋ ارقىلى كوشباسشىسىنا دەگەن جوعارى قۇرمەتىن پاش ەتتى»، - دەپ جازادى اۆتورلار.
«مەنىڭ قازاقستانىم» پويىزى» اكسياسىنا قاتىسۋشىلار ءوز حاتىندا 30 كۇن ىشىندە بۇكىل ەل بويىنشا 29 ەلدى مەكەندە بولعاندارىن، ءىس- شارالارعا 920 مىڭنان استام قازاقستاندىق قاتىسقانىن ايتادى.
اۆتورلار ەلدە جۇرگىزىلىپ جاتقان ساياساتقا قاتىستى حالىق تاراپىنان كورسەتىلگەن قولداۋ رەسپۋبليكامىزدى ودان ءارى ىلگەرىلەتۋ ءۇشىن قوسىمشا قۋات بەرەتىنىنە نازار اۋدارعان.
قازاقستان حالقى اسسامبلەياسى جانىنداعى «جاراسىم» رەسپۋبليكالىق جاستار ۇيىمىنىڭ وكىلدەرى ەلدىڭ جۇيەلى دامىپ كەلە جاتقانىن ماقتان تۇتاتىنىن جانە ونىڭ كۇش- قۋاتىن نىعايتۋ ىسىنە بەلسەنە قاتىسۋعا نيەتتى ەكەنىن جازادى.
«ءبىز ءبارىمىز ءبىرتۇتاس وتباسى رەتىندە تاتۋلىق پەن كەلىسىمدە ءومىر ءسۇرىپ جاتىرمىز. كوشباسشىمىزدىڭ ارقاسىندا قازاقستان زور مۇمكىندىكتەر مەن زور بولاشاقتىڭ ەلىنە اينالدى. ءبىز ءوز ەلىمىزدى سۇيەمىز، ءوز پرەزيدەنتىمىزدى جاقسى كورەمىز جانە وعان سەنەمىز»، - دەلىنگەن قۇتتىقتاۋدا.
«ماسيس» قازاقستان ارمياندارى قوعامىنىڭ، قازاقستان دۇنگەندەرى قوعامىنىڭ، قازاقستان ۇيعىرلارىنىڭ رەسپۋبليكالىق ەتنومادەني ورتالىعىنىڭ وكىلدەرى دە مەملەكەت باسشىسىنىڭ اتىنا قۇتتىقتاۋ جولداعان.
استانا مەن الماتى قالالارىنىڭ، سونداي- اق بارلىق ءوڭىردىڭ ەتنومادەني بىرلەستىكتەرىنىڭ مۇشەلەرى دە پرەزيدەنتتىك سايلاۋدىڭ ناتيجەلەرىنە قاتىستى پىكىرلەرىن بىلدىرگەن.
سونىمەن قاتار قازاقستاننىڭ ەڭبەك ەرى، حالىق جازۋشىسى ءا. كەكىلبايەۆتان، «قازاق ءتىلى» حالىقارالىق قوعامىنىڭ پرەزيدەنتى ءو. ايتبايەۆتان، اقىن ا. مۇقيبەكتەن، قازاقستان حالقى اسسامبلەياسىنىڭ مۇشەسى س. ۆيشنياكتان، «جاس وتان» جاستار قاناتىنىڭ مۇشەسى ر. مۋسينادان، قاراعاندى قالاسىنان س. اۋباكىر ۇلىنان، تالدىقورعان قالاسىنان ءالىمبولانوۆتار وتباسىنان نۇرسۇلتان نازاربايەۆتىڭ جەڭىسىنە بايلانىستى ءوز قۇتتىقتاۋلارىن جانە قولداۋىن بىلدىرگەن حاتتار كەلىپ ءتۇستى.
