بوكسشى جانىبەك ءالىمحان ۇلى اتاقتى امەريكاندىق تەلەارناعا سۇحبات بەردى
بۇل تۋرالى قازاقستان بوكس فەدەراتسياسىنىڭ باسپا ءسوز قىزمەتى حابارلايدى.
جانىبەك ءتۇسىرىلىم بارىسىنا قازاقستاندىق بوكس تۋرالى جانە جالپى سپورت تۋرالى اڭگىمەلەپ، 2022 -جىلى وليمپيادا قازاقستاندا وتكىزىلەتىندىگىنە سەنىمدىلىگىن ءبىلدىردى.
ال امەريكالىقتار بولسا ءوز مانسابىندا ءبىرقاتار جەتىستىككە قول جەتكىزىپ، بۇگىندە دە العا ۇمتىلىپ، ەل نامىسىن قورعاپ جۇرگەن جانىبەكتەن سپورتقا قادام باسۋى تۋرالى سۇراستىردى.
«قازاقستان - كوپتەگەن وليمپيادا مەن الەم چەمپيوندارىن تاربيەلەپ شىعارعان سپورتتىق مەملەكەت. ەلباسىنىڭ باستاماسىمەن ءبىزدىڭ مەملەكەتتە سپورتپەن بەلسەندى اينالىسۋ ءۇشىن بارلىق جاعدايلار جاسالىنۋدا، - دەيدى ءالىمحان ۇلى. - مەن، ءوز كەزەگىمدە جانكۇيەرلەردىڭ سەنىمىن اقتاپ، كاتاردا وتەتىن الەم چەمپيوناتى مەن ريو وليمپياداسىندا ءساتتى ونەر كورسەتۋ ءۇشىن قولىمنان كەلگەننىڭ بارلىعىن جاسايمىن».
ەستەرىڭىزگە سالا كەتەيىك، 2022 -جىلعى قىسقى وليمپيادا ويىندارىن وتكىزۋگە الماتىمەن قاتار، بەيجىڭ قالاسى دا تالاسۋدا. وتەتىن ورىن اعىمداعى جىلدىڭ 15 -شىلدەسىندە مالايزيادا انىقتالادى.
اۆتور: جاسۇلان جولدىبايەۆ
