16:46, 28 - ءساۋىر 2015 | GMT +5
شي جينپين قازاقستان پرەزيدەنتىن بيىل قىتايعا ساپارلاپ كەلۋگە شاقىردى
استانا. قازاقپارات - مەملەكەت باسشىسى نۇرسۇلتان نازاربايەۆ قىتاي حالىق رەسپۋبليكاسىنىڭ ءتوراعاسى شي جينپينمەن تەلەفون ارقىلى سويلەستى.
بۇل تۋرالى اقوردانىڭ باسپا ءسوز قىزمەتىنەن حابارلادى.
شي جينپين نۇرسۇلتان نازاربايەۆتى 26 -ساۋىردە وتكەن سايلاۋداعى جەڭىسىمەن قۇتتىقتادى.
قىتاي كوشباسشىسى قازاقستان پرەزيدەنتىنىڭ تاۋەلسىزدىكتى نىعايتۋعا جانە قازاقستاننىڭ ورنىقتى دامۋىنا قوسقان ۇلەسىن جوعارى باعالادى.
مەملەكەتتەر باسشىلارى اڭگىمە بارىسىندا ەكىجاقتى ىنتىماقتاستىقتىڭ الەۋەتى جوعارى ەكەنىن ايتىپ، «نۇرلى جول» جانە «جىبەك جولىنىڭ ەكونوميكالىق بەلدەۋى» باعدارلامالارىنىڭ ءوزارا تولىقتىرۋشى سيپاتىن اتاپ ءوتتى.
سونىمەن قاتار، تاراپتار وڭىرلىك جانە حالىقارالىق وزەكتى ماسەلەلەرگە قاتىستى ەكى ەلدىڭ ۇستانىمدارى ۇقساس ەكەنىنە نازار اۋداردى.
سوڭىندا شي جينپين قازاقستان پرەزيدەنتىن بيىل قىتايعا ساپارلاپ كەلۋگە شاقىردى.
تەلەفون ارقىلى سويلەسۋگە قىتاي جاعى باستاماشى بولدى.
