نۇرسۇلتان نازاربايەۆ قازاقستان حالقىنا انت بەرەدى

استانا. قازاقپارات - ق ر پرەزيدەنتىنىڭ كەزەكتەن تىس سايلاۋىندا جەڭىسكە جەتكەن نۇرسۇلتان نازاربايەۆ سارسەنبى كۇنى قىزمەتىنە رەسمي كىرىسۋى - ۇلىقتاۋ سالتاناتى اۋقىمىندا قازاقستان حالقىنا انت بەرەدى.

انت قابىلداۋ سالتاناتتى راسىمىنە پارلامەنت دەپۋتاتتارى، كونستيتۋتسيالىق كەڭەستىڭ مۇشەلەرى، جوعارعى سوتتىڭ سۋديالارى، ۇكىمەت مۇشەلەرى قاتىسادى. ق ر پرەزيدەنتى كونستيتۋتسياعا انت بەرەدى. انت قابىلداۋدان كەيىن قازاقستان رەسپۋبليكاسىنىڭ مەملەكەتتىك ءانۇرانى ورىندالىپ، و س ك ءتوراعاسى پرەزيدەنتكە كۋالىك تابىس ەتەدى.

ەسكە سالا كەتەيىك، قازاقستاندا كەزەكتەن تىس پرەزيدەنتتىك سايلاۋ 2015 -جىلعى 26 -ساۋىردە ءوتتى.

سايلاۋعا ءۇش كانديدات، ق ر-نىڭ ءىس باسىنداعى پرەزيدەنتى، «نۇر وتان» پارتياسىنان كانديدات نۇرسۇلتان نازاربايەۆ، كوممۋنيستىك حالىقتىق پارتيا و ك حاتشىسى تۇرعىن سىزدىقوۆ، ءوزىن- ءوزى ۇسىنعان ق ر كاسىپوداقتارى فەدەراتسياسىنىڭ ءتوراعاسى ءابىلعازى قۇسايىنوۆ قاتىستى.

28 -ساۋىردە قازاقستان رەسپۋبليكاسى ورتالىق سايلاۋ كوميسسياسىنىڭ وتىرىسى بولدى، وندا 2015 -جىلعى 26 -ساۋىردە وتكەن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنىڭ قورىتىندىلارى جاريالاندى.

نۇرسۇلتان نازاربايەۆ ءۇشىن 8 ميلليون 833 مىڭ 250 ادام، نەمەسە 97,75 پايىزى داۋىس بەردى.

 تىركەلگەن 9 ميلليون 547 مىڭ 864 سايلاۋشىنىڭ 9 ميلليون 090 مىڭ 920 سى نەمەسە 95,21 پايىزى داۋىس بەرۋگە قاتىستى. ءابىلعازى قۇسايىنوۆقا 57 718 سايلاۋشى، نەمەسە 0,64 پايىزى، نۇرسۇلتان نازاربايەۆقا 8 ميلليون 833 مىڭ 250 ادام، نەمەسە 97,75 پايىزى، تۇرعىن سىزدىقوۆقا - 145 مىڭ 756 سايلاۋشى، نەمەسە 1,61 پايىزى داۋىس بەردى.

قازاقستاننىڭ ورتالىق سايلاۋ كوميسسياسى نۇرسۇلتان نازاربايەۆتىڭ ق ر پرەزيدەنتى قىزمەتىنە رەسمي كىرىسۋى ءراسىمىن 29 -ساۋىرگە وتكىزۋگە قاۋلى قابىلدادى.

«ق ر ورتالىق سايلاۋ كوميسسياسى ق ر كونستيتۋتسياسىنىڭ 3-بابىنىڭ 2-تارماعىنا سايكەس 2015 -جىلعى 26 -ساۋىردە كەزەكتەن تىس سايلاۋدا سايلانعان قازاقستان رەسپۋبليكاسىنىڭ پرەزيدەنتىن تىركەۋ تۋرالى قاۋلى الدى، سونداي- اق 2015 -جىلعى 29 -ءساۋىردى ق ر پرەزيدەنتى نۇرسۇلتان ءابىش ۇلى نازاربايەۆتىڭ انت بەرۋ كۇنى دەپ بەلگىلەدى»، - دەپ حابارلادى ق ر و س ك حاتشىسى باقىت مەلدەشەۆ.