08:42, 28 - ءساۋىر 2015 | GMT +5
قايتىس بولعان، قيماس ادامنىڭ ءيىسىن ساعىنباس ءۇشىن جاڭا ءيىسسۋ ويلاپ تابىلدى
استانا. قازاقپارات - فرانسيانىڭ گاۆرا ۋنيۆەرسيتەتى عالىمدارىمەن بىرلەسە وتىرىپ، كاتيا اپالاتەگي ەسىمدى ايەل ەرەكشە ءيىسسۋ ءتۇرىن ويلاپ تاپتى، دەپ جازادى Inquisitr.
ءيىسسۋ جاڭا تەحنولوگيا ارقىلى قايتىس بولعان جاقىن، قيماس ادامنىڭ وزىنە ءتان يىسىنەن دايىندالادى. بۇعان دەيىن ادامنىڭ وزىندىك ءيىسىن وزگە زاتقا ءسىڭىرۋ ارقىلى عىلىمي جاڭالىق اشقان ج و و عالىمدارى جاڭا ءيىسسۋدىڭ ناقتى تەحنولوگياسى تۋرالى «قۇپيانى» اشپاي وتىر.
تەك، بەلگىلى بولعانى - ءيىسسۋدى دايىنداۋعا قايتىس بولعان ادامنىڭ تەرى سىڭگەن كيىمى، كويلەگى بولسا، جەتەرلىك. ويتكەنى، ادامنىڭ وزىنە ءتان ءيىسىن ولار كيىمنەن الاتىن جۇزدەگەن مولەكۋلالار ارقىلى قالىپتاستىرماق. ءبىر ءونىمدى دايىنداۋعا ءتورت كۇن ۋاقىت كەرەك. ءيىسسۋ قۇنى 600 دوللار بولماق.
اكەسىنىڭ ولىمىنەن كەيىن ونىڭ ءيىسىن ساعىنعاننان عىلىمي جاڭالىقتى ساۋدا اينالىمىنا ەنگىزگەن كاتيا ءيىسسۋ قايتىس بولعان ادامدى ەسكە ءتۇسىرىپ، ساعىنىشتىڭ ماۋقىن باسۋعا كومەكتەسەدى دەپ وتىر.
