جولاۋشىلارعا «تۇلپار- تالگو» پويىزدارىندا قىزمەت كورسەتۋ ساپاسى ارتا تۇسپەك
كەشەندى جوسپار 2017 - جىلعا دەيىن جالعاساتىن بولادى. بۇل تۋرالى «ق ت ج» ۇ ك ا ق باسپا ءسوز قىزمەتىنەن حابارلادى.
بۇگىندە «تۇلپار- تالگو» جولسەرىكتەرىنە دەگەن قوسىمشا بىلىكتىلىك تالاپتارى قويىلىپ وتىر. مىسالى، «بيزنەس»، «گراند» ۆاگوندارىنىڭ قىزمەت كورسەتۋ پەرسونالى جوعارى بىلىممەن قاتار قازاق، ورىس جانە اعىلشىن تىلدەرىن بىلۋگە ءتيىس.
قازىر پويىز باستىقتارى مەن جولسەرىكتەر ارنايى ءبىلىم ورتالىقتارىندا اعىلشىن ءتىلىن ۇيرەنۋدە. بۇدان بولەك كاسىبي جاتتىقتىرۋشى- كەڭەسشىلەر ارنايى ترەنينگتەر وتكىزىپ، وندا ءوزىن- ءوزى ۇستاۋ ەتيكاسىنا، سويلەۋ مادەنيەتىنە، قىزمەت كورسەتۋ ستاندارتتارىنا، كيكىلجىڭدى جاعدايلاردى شەشۋ ماسەلەلەرىنە باسا نازار اۋدارماق.
جاڭا بىلىكتىلىك تالاپتارىن ەسكەرە وتىرىپ، جولسەرىك ماماندىعىنىڭ بەدەلىن ارتتىرۋ ماقساتىندا ولاردىڭ جالاقىلارىن كەزەڭ- كەزەڭمەن كوتەرۋ كوزدەلىپ وتىر. 2017 - جىلعا دەيىن جولسەرىك جالاقىسى ورتاشا ەسەپپەن 50 پايىزعا دەيىن كوتەرىلمەك.
«تۇلپار- تالگو» پويىزدارىنىڭ «بيزنەس»، «گراند» ۆاگوندارىندا كەزەڭ- كەزەڭمەن جاڭا قىزمەت تۇرلەرىن ەنگىزۋ جوسپارلانىپ وتىر. ماسەلەن، جولاۋشىلارعا 4 ءتۇرلى مازىردەن تۇراتىن تەگىن تاماق ۇسىنىلاتىن بولادى.
سونداي- اق، ساپار بارىسىندا پويىزداردا Wi-Fi جۇيەسى - ىشكى مۋلتيمەديالىق پورتال ۇيىمداستىرىلماقشى. پورتال ارقىلى جولاۋشىلار جاڭالىقتار تىڭداپ، ليسەنزيالىق فيلمدەر مەن مۋزىكالىق باعدارلاماردى ت. ب. تاماشالاي الادى.
سونىمەن قاتار، «بيزنەس»، «گراند» ۆاگوندارىندا جولعا قاجەتتى زاتتار (ءتىس پاستاسى، شەتكاسى، تاراق، مايلىق، شاركە، ت. ب. ) مەن بالالارعا ارنالعان ارنايى توپتامالار قاراستىرىلعان. استانا، الماتى جانە وبلىس ورتالىقتارىندا جولاۋشىلاردىڭ تاپسىرىسى بويىنشا الدىن الا تاكسي شاقىرۋ قىزمەتى دە جوسپارلانىپ وتىر. «تۇلپار- تالگو» پويىزدارى ءۇشىن ارنايى جول ساپار جۋرنالى شىعارىلماق.
2016-2017 - جىلدارى وسىنداي قىزمەت كورسەتۋ ساپاسىن كوتەرۋ جۇمىستارى باسقا دا جولاۋشىلار پويىزدارىندا ىسكە اسىرۋ جوسپارلانىپ وتىر.
