استانا جاستارى پرەزيدەنتتىك سايلاۋدىڭ اياقتالۋىن سالتاناتتى تۇردە اتاپ ءوتتى - فوتو، كەسكىن

استانا. قازاقپارات - بۇگىن استاناداعى «ماڭگىلىك ەل» مونۋمەنتى الاڭىندا ەلوردا جاستارى كەزەكتەن تىس پرەزيدەنتتىك سايلاۋدىڭ اياقتالۋىن سالتاناتتى تۇردە اتاپ ءوتتى.

اتاپ ايتقاندا، بۇل شارا بارىسىندا قازاقستاندىق ەسترادا جۇلدىزدارىنىڭ قاتىسۋىمەن كونسەرت ءوتتى. سونىمەن قاتار وندا ساحنادا ورناتىلعان تەلەەكران ارقىلى تىكەلەي ەفيرمەن دەموكراتيا ينستيتۋتى بارلىق وڭىرلەردە جالپىۇلتتىق exit-poll ناتيجەسىن جاريالادى.

بەلگىلى بولعانداي، ن. نازاربايەۆقا 97,5 پايىز سايلاۋشىلار داۋىس بەردى، سونىمەن قاتار ءابىلعازى قۇسايىنوۆ - 0,63 پايىز، تۇرعىن سىزدىقوۆ - 1,87 پايىز داۋىس جيناعان.

ساۋالناما ناتيجەسىنە جينالعان جاستار مەن قوعام قايراتكەرلەرى، تانىمال سپورتشىلار قوشەمەت كورسەتىپ، قازاقستاندىقتاردى سايلاۋعا قاتىسقان بەلسەندىلىگى ءۇشىن العىستارىن ءبىلدىردى. شارا بارىسىندا الاڭدا وتشاشۋ مەن جاستاردىڭ فلەشموبى ۇيىمداستىرىلدى.

مۇنىمەن قوسا، اتالعان مونۋمەنت الاڭىنان باستاپ ءبىرىڭعاي اق ءتۇستى كولىك مىنگەن قالا جاستارى قازاقستاننىڭ مەملەكەتتىك تۋىن كوتەرىپ، اۆتوكولىك شەرۋىمەن ەلوردا كوشەلەرىمەن ءجۇرىپ ءوتتى.