ق ر پرەزيدەنتى سايلاۋىنا قاتىسۋشىلاردىڭ رەكوردتىق كورسەتكىشى الەم تاريحىنا ەنەدى
حالىقارالىق جانە قازاقستاندىق ساراپشىلار مەن بايقاۋشىلاردىڭ اتاپ وتۋىنشە، مۇنداي رەكوردتىق دەڭگەيدە سايلاۋعا قاتىسۋ الەمدىك سايلاۋ ۇدەرىسى تاريحىنا ەنەدى.
سايلاۋ وتكىزۋدىڭ وسىنداي دەڭگەيى مەن وعان قاتىسۋدىڭ وسىنشاما جوعارى تاريحي كورسەتكىشىن بايقاۋشىلار وزگە ەلدەردە كورمەگەن.
بۇگىندە قازاقستاندىقتاردىڭ پرەزيدەنت سايلاۋىنا قاتىسۋ دەڭگەيىن سەنساتسيا دەپ باعالاۋعا بولادى - ەڭبەكتەگەن بالادان ەڭكەيگەن كارىگە دەيىن بارلىعى وتباسىلارىمەن، ەڭبەك ۇجىمدارىمەن تاڭەرتەڭنەن سايلاۋ ۋچاسكەلەرىنە اعىلدى.
سايلاۋ ۋچاسكەسى اشىلماي تۇرىپ كەزەككە تۇرعان سايلاۋشىلار اعىنى جابىلعانعا دەيىن تولاستاعان جوق.
بۇگىن قازاقستاندىقتار بۇرىن- سوڭدى بولماعان بەلسەندىلىك كورسەتىپ، سايلاۋشىلار سانى بويىنشا سەنساتسيالىق جوعارى كورسەتكىشكە جەتتى.
جارمەڭكەلەر مەن كونسەرتتەر ۇيىمداستىرىلىپ، سايلاۋ جالپى حالىقتىق مەرەكەلىك كوڭىل- كۇيدە ءوتتى.
سايلاۋ ناۋقانىن 10000 نان استام وتاندىق، 1000 نان استام شەتەلدىك بايقاۋشىلار مەن ۇيىمدار باقىلادى. ولاردىڭ ءبارى سايلاۋدىڭ جوعارى دەڭگەيدە ۇيىمداستىرىلعانىن اتاپ وتۋدە، ولاردىڭ باعالاۋى بويىنشا، بۇل ترانسپارەنتتى، اشىق جانە ءادىل سايلاۋدىڭ جارقىن كورىنىسى ىسپەتتەس.
شەتەلدىك بايقاۋشىلار قازاقستانداعى سايلاۋ دەموكراتيالىق جانە حالىقارالىق ستاندارتقا سايكەس وتكەندىگىن، قازاقستاندىق سايلاۋشىلاردىڭ سايلاۋ كۇنگى بەلسەندىلىگىن، اسىرەسە جاستاردىڭ ۇيىمشىلدىق كورسەتكەندىگىن ايرىقشا اتاپ وتكەن.
ەڭ الدىمەن بۇل - قازاقستاندىقتاردىڭ پاتريوتتىعىن، ازاماتتاردىڭ ساياسي ساۋاتتىلىعى مەن ولاردىڭ ەلەكتورالدى مادەنيەتىن، سونداي- اق ەلدىڭ بىرلىگىن، ازاماتتىق بەلسەندى پوزيتسياسىن بىلدىرەدى.
سايلاۋعا اقپارتتىق قولداۋ دا جوعارى دەڭگەيدە بولدى.
قازاقستاننىڭ بارلىق ب ا ق- تارىندا، ونىڭ ىشىندە ينتەرنەت، الەۋمەتتىك جەلىلەردە سايلاۋ تاقىرىبى تاڭنىڭ اتىسىنان كەش قارايىپ باتقانعا دەيىن باستى تاقىرىپقا اينالدى.
قازاقستانداعى پرەزيدەنت سايلاۋى تۋرالى 37 مەملەكەتتەن كەلگەن 200 دەن اسا جۋرناليست اقپارات تاراتتى.
