ق ر پرەزيدەنتىنىڭ كەزەكتەن تىس سايلاۋىنا داۋىس بەرۋ اياقتالدى

استانا. قازاقپارات ق ر پرەزيدەنتىنىڭ كەزەكتەن تىس سايلاۋىنا داۋىس بەرۋ اياقتالدى.

بۇل تۋرالى بۇگىن ق ر ورتالىق سايلاۋ كوميسسياسىندا وتكەن بريفينگتە ق ر و س ك حاتشىسى باقىت مەلدەشيەۆ ايتتى.

«ق ر پرەزيدەنتىنىڭ كەزەكتەن تىس سايلاۋىنا داۋىس بەرۋ اياقتالدى. قازىر سايلاۋ كوميسسيالارىنىڭ مۇشەلەرى داۋىستاردى ساناۋعا كىرىستى»، - دەدى ب. مەلدەشيەۆ.

ونىڭ سوزىنە قاراعاندا، «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 43 -بابى 3 تارماعىنا سايكەس داۋىستاردى ساناۋ ءار كانديدات بويىنشا جەكە جۇرگىزىلەدى. سايلاۋ ۋچاسكەلەرىندە داۋىستاردى ساناۋ باستالعاننان كەيىن 12 ساعاتتان اسپاۋى ءتيىس.

«باتىس وڭىرلدەرىندە اقتوبە، اتىراۋ، باتىس قازاقستان جانە ماڭعىستاۋ وبلىستارىندا ۋاقىتتاعى ايىرماشىلىققا بايلانىستى داۋىس بەرۋ ەندى عانا اياقتالدى. سونداي- اق شەت ەلدە قۇرىلعان سايلاۋ ۋچاسكەلەرىندە داۋىس بەرۋ ءالى اياقتالعان جوق. شەتەلدەگى 65 ۋچاسكەنىڭ 47 سىندە داۋىس بەرۋ جالعاسۋدا. سايلاۋشىلاردىڭ كەلۋى تۋرالى الدىن الا دەرەكتەر ساعات 22:00 دە ۇسىنىلاتىن بولادى»، - دەدى كوميسسيا حاتشىسى.

اۆتور: مارلان جيەمباي