داۋىس بەرۋ ۇدەرىسى كونستيتۋتسيالىق زاڭ تالاپتارى اياسىندا وتۋدە
بۇل تۋرالى بۇگىن قر ورتالىق سايلاۋ كوميسسياسىندا وتكەن بريفينگتە ق ر باس پروكۋراتۋراسىنىڭ رەسمي وكىلى نۇرداۋلەت سۇيىندىكوۆ ءمالىم ەتتى.
«جالپى، داۋىس بەرۋ كۇنى بەلگىلەنگەن تارتىپپەن، ايتارلىقتاي زاڭ بۇزۋشىلىقسىز وتۋدە. داۋىس بەرۋ اياقتالعان بارلىق ۋچاسكەلەردە بۇل ۇدەرىس «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ تالاپتارىنا سايكەس ءوتتى»، - دەدى ول.
دەگەنمەن، ونىڭ اتاپ وتۋىنشە، سەمەي قالاسىنىڭ پروكۋراتۋراسىنا ەرلى-زايىپتى كارپۋحيندەردىڭ تۇرعىلىقتى جەرلەرى بويىنشا ۋچاسكەنىڭ سايلاۋشىلار تىزىمىندە بولماۋىنا شاعىمدانعان ارىزى تۇسكەن. ولاردىڭ ءتيىستى اۋماقتا تۇراتىندىعى انىقتالعاننان كەيىن داۋىس بەرۋ مۇمكىندىگى بەرىلدى.
«ەرلى- زايىپتى كارپۋحيندەردىڭ سايلاۋشىلار تىزىمىندە بولماۋىنىڭ سەبەپتەرى انىقتالۋدا»، - دەدى ن. سۇيىندىكوۆ.
اۆتور: مارلان جيەمباي
