ەرىم دەيتىن ەل بولماسا، ەلىم دەيتىن ەر قايدان تۋسىن - تالعات ءلاززات

استانا. قازاقپارات -  بۇگىنگى ق ر پرەزيدەنتىن سايلاۋ ناۋقانىنا شەتتەن كەلىپ، اتاجۇرتقا تۇراقتاعان قانداستارىمىز دا بەلسەندى قاتىستى. وتباسىلارىمەن داۋىس بەرۋگە كەلگەن قانداستارىمىزدى جولىقتىرىپ، اڭگىمەگە تارتتىق.

استانا قالاسىنداعى №128 سايلاۋ ۋچاسكىسىنە بارىپ ق ر پرەزيدەنتىن سايلاۋعا وتباسىمەن كەلىپ قاتىسقان تالعات تا ارعى بەتتەن اتاجۇرتقا ورالعان ازامات. بىرلىكتىڭ بەكەم ەل بولۋ ءۇشىن بيىكتىگىن باعالايتىن ول بۇگىن دە ەل باسشىسىن تاڭداۋعا قاتىسىپ، ءوز داۋىسىن بەرىپ قايتتى.
 «مەن ق ر ازاماتى رەتىندە وتباسىممەن كەلىپ داۋىس بەردىم. تاۋەلسىزدىكتىڭ ارقاسىندا ارعى بەتتەن اعىلعان قازاقتىڭ ءبىرىمىن. سول ەگەمەندىگىمىزدى باياندى ەتۋ ءۇشىن ەل باسشىسىن تاڭداۋ وتە ماڭىزدى دەپ ەسەپتەيمىن. «ەرىم دەيتىن ەل بولماسا، ەلىم دەيتىن ەر قايدان تۋسىن» دەيدى عوي. سايلاۋ -  ەلدىگىمىزدى، بىرلىگىمىزدى كورسەتەر سىندارلى ءسات. سوندىقتان، ءبىز وتباسىمىزبەن سايلاۋ ناۋقانىنا قاتىسىپ جاتىرمىز. ەلىمىز امان، جۇرتىمىز تىنىش بولسىن!» ، - دەيدى تالعات ءلاززات.

  بار قازاقتى ءبىر تۋدىڭ استىنا جيناعان تاۋەلسىزدىكتى قاراشىعىنداي قورعاۋدى مىندەتىم دەپ ەسەپتەيتىن بەيسەن كىشكەنتاي ەكى قىزىن جەتەكتەپ ءوز سايلاۋ ۋچاسكەسىنە كەلدى. ونداعى ماقساتى ءوسىپ كەلە جاتقان بۇلدىرشىندەرىنىڭ ساناسىنا ازاماتتىق بورىشتىڭ ەرەكشە ەكەندىگىن ءسىڭدىرۋ، جاۋاپكەرشىلىكتى سەزىندىرۋ ەكەن.

«پرەزيدەنتتىك سايلاۋ - بۇكىل ەل حالقىنىڭ ءوز بولاشاعىن ءبىر باسشىعا تاپسىرۋى ءۇشىن جاساعان تاڭداۋى. سوندىقتان دا ول قازاقستاننىڭ ءاربىر ازاماتى ءۇشىن ماڭىزدى. الىس- جاقىنعا تارىداي شاشىلعان قازاقتىڭ دا تاعدىرى كەيدە تىزگىن ۇستاعان باسشىعا بايلانىستى. مەن الەمدەگى ءاربىر قازاق ۇرپاعى ءۇشىن داۋىس بەردىم. ءوزىمنىڭ قوعام مەن ەل الدىند اعى بورىشىمدى، مىندەتىمدى سەزىندىم» ، - دەيدى بەيسەن احمەت ۇلى.

   ال، استانادا تۇراتىن داۋلەتبەك زياقاجىنىڭ جايى تىپتەن بولەك. تۇڭعىش رەت ەل باسشىسىن سايلاۋ ناۋقانىنا قاتىىقان ول ءساۋىر ايىنىڭ باسىندا عانا ق ر ازاماتى اتانىپتى.

«مەن ق ر ازاماتتىعىن 2 - ساۋىردە عانا الدىم. ودان بۇرىن ق ح ر ازاماتى ەدىم. ەندى بۇگىن №88 سايلاۋ ۋچاسكەسىنە كەلىپ، ەل پرەزيدەنتىن تاڭداپ، داۋىس بەرۋ باقىتىنا يە بولىپ تۇرعانىما وتە قۋانىشتىمىن. وسىنىڭ بارلىعى ءبىر قازاقتىڭ جالعىز وتانى بولعان تاۋەلسىز قازاقستاننىڭ بولعاندىعىنىڭ ارقاسى. ازات ەلدىڭ ازات ۇرپاعى رەتىندە ەلىمىزگە تەك قانا بەرەكە مەن بەيبىتشىلىك تىلەيمىن» ، - دەيدى داۋلەتبەك زياقاجى.
baq.kz