16:08, 26 - ءساۋىر 2015 | GMT +6
ق ر پرەزيدەنتتىگىنە كانديدات ءا. قۇسايىنوۆ داۋىس بەردى
استانا. قازاقپارات - بۇگىن پرەزيدەنتتىككە كانديدات ءابىلعازى قۇسايىنوۆ استانا قالاسىندا كەزەكتەن تىس قازاقستان رەسپۋبليكاسى پرەزيدەنت سايلاۋىنا داۋىس بەردى.
ماحامبەت وتەمىس ۇلى اتىنداعى قالالىق وقۋشىلار سارايىندا ورنالاسقان ءنومىرى 98- سايلاۋ ۋچاسكەسىنە ءابىلعازى قۇسايىنوۆ العاشقىلاردىڭ ءبىرى بولىپ كەلدى. تىركەۋدەن ءوتىپ، بيۋللەتەن الدى.
داۋىس بەرىپ بولعان سوڭ كانديدات سايلاۋ ناۋقانىنا قاتىسۋ بارىسى تۋرالى بۇقارالىق اقپارات قۇرالدارىنا ارناپ سۇحبات بەردى. ءوز سوزىندە ول ۋچاسكەدەگى ۇيىمداستىرۋ جۇمىستارىنا كوڭىلى تولاتىنىن جەتكىزدى.
- جالپى سايلاۋ ناۋقانى قالاي وتكەنى تولىقتاي كوڭىلىمنەن شىقتى. ۇلكەن جۇمىس اتقاردىق. بۇگىن مەملەكەت ءۇشىن تاريحي ماڭىزدى كۇن! داۋىس بەرىپ شىقتىم. سايلاۋ ۋچاسكەسىندەگى ۇيىمداستىرۋ جۇمىستارى ويداعىداي. ەندى سايلاۋ قورىتىندىسىن كۇتەمىز، - ق ر پرەزيدەنتتىگىنە كانديدات ءابىلعازى قۇسايىنوۆ
ۋچاسكەلىك سايلاۋ كوميسسياسىنىڭ مالىمەتىنشە، مۇندا جالپى 2431 سايلاۋشى تىركەۋدە تۇر.
