بۇگىنگى سايلاۋ ەلدىكتىڭ، اۋىزبىرلىكتىڭ، تاتۋلىقتىڭ جارقىن مەرەكەسى بولىپ وتىر - ساۋىتبەك ابدراحمانوۆ

استانا. قازاقپارات - بۇگىنگى سايلاۋ ەلدىكتىڭ، اۋىزبىرلىكتىڭ، تاتۋلىقتىڭ جارقىن مەرەكەسى بولىپ وتىر. بۇگىن «ەگەمەن قازاقستان» گازەتىنىڭ پرەزيدەنتى ساۋىتبەك ابدراحمانوۆ وسىنداي پىكىر ءبىلدىردى.

«جاڭا عانا وسى سايلاۋ ۋچاسكەسىندە كەڭەس وداعىنىڭ باتىرى رۋسلان اۋشيەۆپەن ويلاماعان جەردە كەزدەسىپ، سويلەسىپ قالدىم. ول كىسى حالىقارالىق بايقاۋشى قاتارىندا كەلىپ وتىر ەكەن. وزدەرىڭىز بىلەسىزدەر، اۋشيەۆ قازاقستاندا دۇنيەگە كەلگەن ازامات. وسى ورايدا وعان: «ءسىزدىڭ قازاقستاندا ءوتىپ جاتقان سايلاۋدان العان اسەرىڭىز قانداي؟» دەگەن ساۋال قويدىم. ءوز كەزەگىندە رۋسلان سۇلتان ۇلى سايلاۋ ۋچاسكەسىنىڭ الدىنداعى كەزەككە ەشقانداي دا تۇسىندىرمەنىڭ قاجەتى جوق ەكەنىن اتاپ ءوتتى. ياعني، ول بۇل ەلدەگى بىرلىكتىڭ، ىنتىماقتىڭ، تاتۋلىقتىڭ، سونداي-اق قازاقستان حالقىنىڭ ەرتەڭىنە سەنەتىندىگىنىڭ ايقىن دالەلى ەكەنىن قاداپ ايتتى»، - س. ابدراحمانوۆ.

سونىمەن قاتار «ەگەمەن قازاقستان» گازەتىنىڭ پرەزيدەنتى داۋىس بەرۋشىلەردىڭ بەلسەندىگى قازاقستانداعى قازىرگى احۋالدىڭ شىن مانىندە تاماشا ەكەنىنىڭ ايقىن كورىنىسى دەپ باعالادى. وسىنىڭ الدىنداعى سايلاۋلاردا دا حالىق وسى ناۋقاندى مەرەكە رەتىندە قابىلداعان. ال قازىرگى تاڭدا بۇل ەلدىكتىڭ، اۋىزبىرلىكتىڭ، تاتۋلىقتىڭ جارقىن مەرەكەسىنە اينالىپ وتىر.

«وسى ورايدا قازاقستاندىقتاردى بۇگىن ازاماتتىق پارىزىن بەلسەندى اتقارۋعا شاقىرامىز»، - دەپ ءتۇيدى ول.

اۆتور: رۋسلان عابباسوۆ