پارادقا قاتىسۋشىلار ءۇشىن شاتىرلى لاگەردە ۋاقىتشا سايلاۋ ۋچاسكەسى اشىلدى - فوتو
شاتىرلى لاگەردە كۋرسانتتار، كادەتتەر جانە مەرزىمدى قىزمەتتىڭ اسكەري قىزمەتشىلەرى ءۇشىن 182№ جابىق سايلاۋ ۋچاسكەسى ورنالاستىرىلعان. وسى جانە باسقا دا جەرلەردە داۋىس بەرۋدىڭ زاڭدىلىعى مەن اشىقتىعىن ورتالىق سايلاۋ كوميسسياسىنىڭ وكىلدەرى مەن تاۋەلسىز باقىلاۋشىلار قاداعالاۋدا.
سونىمەن قاتار، لاگەردە ورنالاسقان وفيتسەرلەر مەن كەلىسىم-شارت بويىنشا اسكەري قىزمەتشىلەر دە استانا قالاسىندا بولىنگەن سايلاۋ ۋچاسكەلەرىندە ەسەپتەن شىعارۋ تالوندارىمەن داۋىس بەردى.
باقىلاۋ ماقساتىندا قۇرلىق اسكەرلەرى باس قولباسشىسى باسقارماسى جانىنان ق ر پرەزيدەنتىنىڭ سايلاۋى بويىنشا اقپارات جيناۋ جونىندەگى ورتالىق قۇرىلعان. وسى جەرگە ساعات سايىن شاتىرلى لاگەردەگى داۋىس بەرۋ بارىسى تۋرالى بارلىق اقپارات لەگ-لەگىمەن كەلىپ ءتۇسىپ وتىردى.
وسىلايشا، قازاقستاننىڭ بارلىق وڭىرلەرىنەن كەلگەن 4000 عا جۋىق اسكەري قىزمەتشى وزدەرى تۇرعىلىقتى تۇراتىن جانە اسكەري بولىمدەرى ورنالاسقان جەرلەردەن جىراقتا بولعانىنا قاراماستان سايلاۋعا قاتىسىپ، ءوز ازاماتتىق ۇستانىمىن بىلدىرۋگە تولىق مۇمكىندىك الدى.
قازىرگى ساتتە داۋىس بەرۋ اياقتالدى. قازاقستاننىڭ بارلىق وڭىرلەرىندەگى اسكەري قىزمەتشىلەر ءوز سايلاۋ ۋچاسكەلەرىنە كەلۋ بەلسەندىلىگىنىڭ جوعارى ەكەنىن بايقاتتى. سونداي-اق ق ر قارۋلى كۇشتەرىنىڭ اسكەري بولىمدەرى، قۇرىلىمدىق بولىمشەلەرى مەن مەكەمەلەرى قازاقستان پرەزيدەنتىنىڭ سايلاۋىندا داۋىس بەرۋگە ءجۇز پايىزدىق قۇراممەن قاتىستى.
استانا ۋاقىتى بويىنشا تاڭەرتەڭگى ساعات 7.45 تە 9761 اسكەري قىزمەتشى 21 سايلاۋ ۋچاسكەسىندە داۋىس بەرگەنىن اتاپ وتكەن ءجون.
