10:18, 26 - ءساۋىر 2015 | GMT +6
اقمولا وبلىسىنىڭ اكىمى سەرگەي كۋلاگين سايلاۋعا داۋىس بەردى - فوتو
كوكشەتاۋ. قازاقپارات - اقمولا وبلىسىنىڭ اكىمى سەرگەي كۋلاگين ق ر پرەزيدەنتى سايلاۋىنا قاتىسىپ، كوكشەتاۋداعى 1№ ورتا مەكتەپتە ورنالاسقان 6№ سايلاۋ ۋچاسكەسىندە ءوزى قالاعان كانديداتقا داۋىس بەردى، دەپ حابارلايدى «قازاقپارات» ح ا ا- ءنىڭ وڭىردەگى ءتىلشىسى.
«ءوز ەلىمنىڭ ازاماتى رەتىندە، مەن قازاقستاننىڭ تۇراقتىلىعى مەن گۇلدەنۋىن قامتاماسىز ەتەتىن كانديداتقا داۋىس بەردىم»، - دەدى وبلىس اكىمى.
سونىمەن قاتار وسى سايلاۋ ۋچاسكەسىندە وبلىس اكىمىنىڭ ورىنباسارى قادىرحان وتاروۆ پەن كوكشەتاۋ قالاسىنىڭ اكىمى ەرمەك مارجىقپايەۆ تا داۋىس بەردى.
وبلىستىق ايماقتىق سايلاۋ كوميسسياسىنىڭ بەرگەن اقپاراتى بويىنشا، قازىرگى ۋاقىتتا وڭىردەگى 808 سايلاۋ ۋچاسكەسىندە داۋىس بەرۋ قالىپتى جاعدايدا وتۋدە.
