قازاقستاندا ق ر پرەزيدەنتتىك سايلاۋى الدىنداعى تىنىشتىق كۇنى جاريالاندى
بۇگىن كانديداتتارعا دا، ولاردى قولداۋشى ازاماتتارعا دا قانداي دا ءبىر ۇگىت جۇمىستارىن جۇرگىزۋگە تىيىم سالىنادى.
كانديداتتارعا سايلاۋالدى ناۋقانىن جۇرگىزۋگە تىيىم سالۋ «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭ نورماسىمەن (27-باپ، 2-تارماق) جانە «2015 -جىلعى 26 - ساۋىرگە تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا ازىرلىك جانە ونى وتكىزۋدىڭ نەگىزگى ءىس- شارالارىنىڭ كۇنتىزبەلىك جوسپارىن بەكىتۋ تۋرالى» ق ر و س ك قاۋلىسىمەن بەلگىلەنگەن.
ورتالىق سايلاۋ كوميسسياسنىڭ قاۋلىسىندا سايلاۋالدى ۇگىتىن جۇرگىزۋ تىركەۋ مەرزىمى اياقتالعان ساتتەن باستاپ، سايلاۋ الدىنداعى كۇنى جەرگىلىكتى ۋاقىتپەن نول ساعاتتا اياقتالاتىنى (2015 - جىلعى 26 - ناۋرىزدا باستالىپ، 2015 - جىلعى 24 - ساۋىردە ساعات 24.00-تە اياقتالادى) ايتىلعان.
قازاقستان پرەزيدەنتىنىڭ كەزەكتەن تىس سايلاۋىنا نەبارى 1 كۇن عانا قالدى. 26 - ساۋىردە تاڭەرتەڭ ساعات 7.00-دەن باستاپ قازاقستان ازاماتتارى وزدەرى قالاعان كانديداتقا داۋىس بەرە باستايدى. ق ر ورتالىق سايلاۋ كوميسسياسىنىڭ وكىلدەرى ەلدەگى بارلىق سايلاۋ ۋچاسكەلەرىنىڭ داۋىس بەرۋ كۇنىنە دايىن ەكەندىگىن مالىمدەدى.
2015 - جىلعى 14 - اقپاندا قازاقستان حالقى اسسامبلەياسىنىڭ كەڭەسى 2015 - جىلى قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ تۋرالى باستاما كوتەردى. 18 - اقپاندا ق ر پارلامەنتى ءماجىلىسى مەملەكەت باسشىسىنا ق ح ا كەڭەسىنىڭ باستاماسىن قولداۋ تۋرالى ءوتىنىش ءبىلدىردى.
قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ 2015 - جىلعى 25 - اقپانداعى «قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن تاعايىنداۋ تۋرالى» جارلىعىنا سايكەس قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى 2015 - جىلدىڭ 26 - ساۋىرىنە تاعايىندالدى.
قازاقستان رەسپۋبليكاسىنىڭ پرەزيدەنتتىگىنە كانديداتتاردى ۇسىنۋ رەسپۋبليكالىق قوعامدىق بىرلەستىكتەردىڭ جوعارى ورگاندارى جانە ازاماتتار ءوزىن- ءوزى ۇسىنۋ جولىمەن جۇزەگە اسىرىلدى. ول سايلاۋ تاعايىندالعان كۇننەن كەيىنگى كۇنى - 2015 - جىلعى 26 - اقپاننان باستالدى جانە 2015 - جىلعى 15 - ناۋرىزدا اياقتالدى.
ق ر ورتالىق سايلاۋ كوميسسياسىندا قازاقستان رەسپۋبليكاسىنىڭ پرەزيدەنتتىگىنە كانديدات رەتىندە بارلىعى 27 ۇمىتكەر تىركەلدى.
قازىرگى تاڭدا قازاقستان پرەزيدەنتى سايلاۋىنا 3 كانديدات ءۇمىتتى: «نۇر وتان» پارتياسىنىڭ اتىنان قازاقستان رەسپۋبليكاسىنىڭ پرەزيدەنتى نازاربايەۆ نۇرسۇلتان ءابىش ۇلى، قازاقستان كوممۋنيستىك حالىق پارتياسى اتىنان مەملەكەتتىك، بانك مەكەمەلەرى مەن قوعامدىق قىزمەت كورسەتۋ قىزمەتكەرلەرى كاسىپوداعى اقمولا وبلىستىق فيليالىنىڭ ءتوراعاسى تۇرعىن ىسقاق ۇلى سىزدىقوۆ جانە ءوزىن- ءوزى ۇسىنعان قازاقستان كاسىپوداقتارى فەدەراتسياسىنىڭ ءتوراعاسى قۇسايىنوۆ ءابىلعازى قالياقپار ۇلى.
سايلاۋ قارساڭىنداعى، سونداي- اق سايلاۋ كۇنى قۇقىق بۇزۋشىلىقتاردىڭ الدىن الۋ ماقساتىندا سايلاۋ پروتسەسىنىڭ بارلىق قاتىسۋشىلارىنىڭ نازارىن كەلەسى زاڭناما نورمالارىنا اۋدارامىز.
«قازاقستان رەسپۋبليكاسىنداعى سايلاۋ تۋرالى» ق ر كونستيتۋتسيالىق زاڭنىڭ 27-بابىنىڭ 2-تارماعىنا سايكەس، ۇگىت- ناسيحات سايلاۋ بولاتىن كۇننىڭ الدىنداعى كۇنگى جەرگىلىكتى ۋاقىت بويىنشا، ياعني، 2015 -جىلعى 24 - ساۋىردەگى ساعات 00.00-دە اياقتالدى.
وسى زاڭنىڭ 32-بابىنا سايكەس سايلاۋ بولاتىن كۇنى جانە ونىڭ قارساڭىنداعى كۇنى كەز كەلگەن ۇگىتكە تىيىم سالىنادى.
داۋىس بەرىلەتىن كۇن الدىنداعى بەس كۇن ىشىندە جانە داۋىس بەرىلەتىن كۇنى بۇقارالىق اقپارات قۇرالدارىندا قوعامدىق پىكىرگە سۇراۋ سالۋ ناتيجەلەرىن، سايلاۋ ناتيجەلەرىنىڭ بولجامىن، سايلاۋعا بايلانىستى وزگە دە زەرتتەۋلەردى جاريالاۋعا جول بەرىلمەيدى. سايلاۋ كۇنى داۋىس بەرىلەتىن ءۇي- جايدا نەمەسە داۋىس بەرۋ پۋنكتىندە قوعامدىق پىكىرگە سۇراۋ سالۋعا تىيىم سالىنادى (كونستيتۋتسيالىق زاڭنىڭ 28-بابىنىڭ 9-تارماعى) .
سونداي- اق كونستيتۋتسيالىق زاڭنىڭ 39-بابىنىڭ 2-تارماعىنا ساي داۋىس بەرۋگە ارنالعان ءۇي- جايداعى ادامدار داۋىس بەرۋدى وتكىزۋ جونىندەگى كوميسسيا بەلگىلەگەن ەرەجەلەردى قاتاڭ ساقتاۋعا مىندەتتى. ءتيىستى سايلاۋ كوميسسياسىنىڭ ءتوراعاسى تارتىپكە جاۋاپتى بولادى جانە كونستيتۋتسيالىق زاڭنىڭ ەرەجەلەرىن بۇزىپ، داۋىس بەرۋدى وتكىزۋگە كەدەرگى كەلتىرگەن كەز- كەلگەن ادامنىڭ ول جەردەن كەتۋىن تالاپ ەتۋگە قۇقىلى. داۋىس بەرۋ كۇنى داۋىس بەرۋگە ارنالعان ءۇي- جايدا سايلاۋ پروتسەسىنە قاتىسى جوق بوگدە ادامداردىڭ بولۋىنا تىيىم سالىنادى.
سايلاۋ بيۋللەتەندەرىن ۋچاسكەلىك سايلاۋ كوميسسيالارىنا اۋماقتىق سايلاۋ كوميسسيالارىمەن سايلاۋعا كەمىندە ءبىر كۇن قالعاندا - 2015 - جىلعى 24 - ساۋىردەن كەشىكتىرمەي جەتكىزىلەدى. داۋىس بەرۋ ۋچاسكەلىك سايلاۋ كوميسسيالارىندا سايلاۋ كۇنى، 2015 - جىلعى 26 - ساۋىردە جەرگىلىكتى ۋاقىت بويىنشا 07-00-دەن 20-00 ساعاتقا دەيىن وتكىزىلەدى.
قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن شەت مەملەكەتتەردىڭ، حالىقارالىق ۇيىمدار مەن شەتەلدىك ب ا ق وكىلدەرىنىڭ 1026 بايقاۋشىسى باقىلايدى . ورتالىق سايلاۋ كوميسسياسى 858 بايقاۋشىنى اككرەديتتەدى. مۇنان بولەك، قازاقستان رەسپۋبليكاسى سىرتقى ىستەر مينيسترلىگىندە 37 مەملەكەتتەن بۇقارالىق اقپارات قۇرالدارىنىڭ 168 وكىلى اككرەديتتەلگەن.
قازاقستان رەسپۋبليكاسى پرەزيدەنتى سايلاۋىنىڭ قورىتىندىلارى سايلاۋ وتكىزىلگەننەن كەيىن جەتى كۇن مەرزىمنەن، ياعني 2015 - جىلعى 3 - مامىردان كەشىكتىرمەي انىقتالادى. سايلانعان قازاقستان رەسپۋبليكاسىنىڭ پرەزيدەنتىن تىركەۋ سايلاۋ وتكىزىلگەن كۇننەن باستاپ جەتى كۇن مەرزىم ىشىندە 2015 -جىلعى 3 - مامىردان كەشىكتىرمەي جۇزەگە اسىرىلادى.
قازاقستان رەسپۋبليكاسىنىڭ پرەزيدەنتىن سايلاۋ قورىتىندىلارى تۋرالى حابار بۇقارالىق اقپارات قۇرالدارىندا سايلاۋ وتكىزىلگەن كۇننەن باستاپ ون كۇننەن كەشىكتىرمەي، ياعني 2015 - جىلعى 6 - مامىردان كەشىكتىرمەي جاريالانادى.
