قازاقستان حالقى ءۇشىن بۇل تەك سايلاۋ عانا ەمەس، ناعىز مەرەكە - ق ح ر بايقاۋشىسى

استانا. قازاقپارات - قازاقستان حالقى ءۇشىن بۇل تەك سايلاۋ عانا ەمەس، ناعىز مەرەكە. بۇل تۋرالى بۇگىن ق ر ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆپەن كەزدەسكەن قىتايدىڭ رەسەيدەگى بۇرىنعى ەلشىسى، ش ى ۇ زەرتتەۋ ورتالىعىنىڭ ديرەكتورى لي فەنلين ايتتى.

«بۇل سايلاۋ قازاقستان حالقىنىڭ باقىتى ءۇشىن بارىنشا تابىستى وتەتىندىگىنە ءۇمىت ارتامىز. ءبىزدىڭ پايىمىمىزشا، قازاقستان حالقى ءۇشىن بۇل تەك سايلاۋ عانا ەمەس، ناعىز مەرەكە بولىپ تابىلادى»، - دەدى ول كەزدەسۋ بارىسىندا.

ءوز كەزەگىندە ق. تۇرعانقۇلوۆ دەلەگاتسيا مۇشەلەرىن ورتالىق سايلاۋ كوميسسياسىنىڭ پرەزيدەنتتىك سايلاۋدى ازىرلەۋ مەن وتكىزۋ جونىندەگى قىزمەتىمەن تانىستىرىپ، سايلاۋ ناۋقانىنىڭ ەرەكشەلىكتەرى، داۋىس بەرۋ كۇنىنە دايىندىق بارىسى تۋرالى ايتىپ بەردى.

«بۇگىن 24.00 ساعاتتا كانديداتتاردىڭ ۇگىت ناۋقانى اياقتالادى. ول بەلسەندى، زاڭ بۇزۋشىلىقتارسىز ءوتىپ جاتىر. 25 - ساۋىردە سايلاۋشىلار سىرتتان ىقپالسىز ءوزىنىڭ الداعى تاڭداۋىن ءبىرجولا پايىمداپ، ولاردىڭ ىشىندەگى وسى ۋاقىتتا ءوزىنىڭ مەكەنجايىن وزگەرتەتىندەردىڭ 18.00 ساعاتقا دەيىن داۋىس بەرۋ قۇقىعىن بەرەتىن ەسەپتەن شىعارۋ كۋالىگىن الۋعا مۇمكىندىك بەرەتىن «تىنىشتىق كۇنى» باستالادى»، - دەدى ق ر  و س ك ءتوراعاسى.