08:06, 25 - ءساۋىر 2015 | GMT +6
روبوتتار قىزمەت كورسەتەتىن بولاشاقتىڭ كەمەسى ساپارعا شىقپاق - فوتو
استانا. قازاقپارات - ا ق ش پەن نورۆەگيالىق Royal Carribean ساياحات كومپانياسى ءوزىنىڭ «تەڭىز گيمنى» دەپ اتالاتىن سۋ جاڭا كەمەسىن العاش رەت ساپارعا شىعارۋىن جوسپارلاپ وتىر.
كومپانيا باسشىلارىنىڭ ايتۋىنشا، تەڭىز كەمەسى زاماناۋي تەحنولوگيامەن جابدىقتالعان. مىسالى ايروديناميكالىق قۇبىر بارلىق جولاۋشىلاردىڭ تاڭدايىن قاقتىراتىنى ءسوزسىز. ال ىشىندە روبوتتار قىزمەت كورسەتەتىن بولادى.
تاپسىرىستى ادامدار وزدەرىنىڭ پلانشەتتەرى ارقىلى جاسايدى. ەندى جولاۋشىلار قولىنان كىتاپتىڭ ورنىنا سمارتفون مەن پلانشەتتى تاستامايتىن بولادى. كەمە قۇرىلىسىنا شامامەن ميللياردتاعان دوللار قاراجات قۇيىلدى. سوندىقتان بيلەت قۇنى دا ارزانعا سوقپايتىن كورىنەدى. مامانداردىڭ ايتۋىنشا، ساپارعا شىعۋ ءۇشىن جولاۋشى بيلەتكە كەم دەگەندە 5 مىڭ دوللار تولەۋ كەرەك.
