رامزان قادىروۆ: قازاقستان حالقى اسسامبلەياسىنىڭ جيناعان تاجىريبەسى الەمدىك قاۋىمداستىققا پايداسىن تيگىزەدى
سونداي قۇتتىقتاۋ حاتتى شەشەنستان رەسپۋبليكاسىنىڭ باسشىسى رامزان قادىروۆ جولدادى:
«قۇرمەتتى نۇرسۇلتان ءابىش ۇلى!
ءسىزدى قازاقستان حالقى اسسامبلەياسىنىڭ 20 جىلدىعىمەن قۇتتىقتايمىن! رەسپۋبليكانىڭ ەگەمەن مەملەكەت رەتىندە قالىپتاسۋىنىڭ كۇردەلى كەزەڭىندە ءسىزدىڭ باستاماڭىزبەن قۇرىلعان اسسامبلەيا قوعامداعى تۇراقتىلىقتى ساقتاۋدا جانە ۇلتارالىق، كونفەسسياارالىق قاتىناستاردى نىعايتۋدا ماڭىزدى ءرول اتقاردى.
قوعامداعى بىرلىك پەن توزىمدىلىكتى ساقتايتىن مودەلدى قالىپتاستىرۋ قانشالىقتى ماڭىزدى ەكەنىن تۇسىنەمىز. سوعىستان كەيىنگى اۋىر جىلدارى شەشەنستان رەسپۋبليكاسىنىڭ ءبىرىنشى پرەزيدەنتى، رەسەي باتىرى احماد قاجى قادىروۆ ءبىرىنشى كەزەكتە شەشەنستان حالقىنىڭ بىرىگۋى مەن ۇلتارالىق قاتىناستاردىڭ ۇيلەستىرىلۋىنە كوپ كوڭىل ءبولدى. بۇل شەشەن جەرىندەگى بەيبىتشىلىك پەن كەلىسىمدى ورناتۋدىڭ ناقتى قادامى بولدى.
قازاقستان حالقى اسسامبلەياسىنىڭ ۇلتارالىق قاتىناستى دامىتۋداعى ءساتتى تاجىريبەسى بۇكىل الەمدىك قاۋىمداستىق ءۇشىن پايداسىن تيگىزەتىنىنە سەنىمدىمىن.
سىزگە زور دەنساۋلىق، قازاقستان رەسپۋبليكاسى حالقىنىڭ ۇلتارالىق بىرلىگى مەن كەلىسىمىن نىعايتۋداعى قىزمەتىڭىزگە ساتتىلىك تىلەيمىن!».
