شاكارىم جايلى كىتاپ اعىلشىن تىلىنە اۋدارىلدى

 استانا. قازاقپارات - وسىعان دەيىن قازاق، ورىس، تۇرىك تىلدەرىندە شىققان الەمدىك رۋحانيات تاريحىندا ورنى بار قازاق تۇلعاسى تۋرالى تولىمدى ەڭبەك اعىلشىن وقىرماندارىنا جول تارتتى.

 ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى، ق ر ۇ ع ا اكادەميگى، تاريح عىلىمدارىنىڭ دوكتورى، حالىقارالىق «ماڭگى ەل» عىلىمي- كوپشىلىك تاريحي جۋرنالىنىڭ باس رەداكتورى ەرلان سىدىقوۆتىڭ «شاكارىم» اتتى تانىمدىق- عۇمىرباياندىق كىتابى «شاكارىم. قازاق اقىنىنىڭ ءومىرى» دەگەن اتپەن اعىلشىن تىلىندە جارىق كوردى.

كىتاپتىڭ تۇساۋكەسەرى 23 - ءساۋىر كۇنى ساعات 18.00 دە لوندونداعى قازاقستاندىق بەيبىتشىلىك جانە كەلىسىم ورتالىعىندا (انگليا، لوندون، 33 Grosvenor Place, London SW1A 7BY) اباي كۇندەرى قارساڭىندا ۇيىمداستىرىلعان «قازاقتىڭ لوندونداعى ونەر فەستيۆالى» شەڭبەرىندە وتەدى.

تۇساۋكەسەر راسىمگە ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ عىلىمي حاتشىسى جاننا نۇرمانوۆا، ورىس فيلولوگياسى كافەدراسىنىڭ دوتسەنتى گۇلبانۋ ءشارىپوۆا جانە كىتاپتى اعىلشىن تىلىنە اۋدارعان ءتارجىماشى ءارى لوندونداعى شىڭعىس ايتماتوۆ اتىنداعى اكادەمياسىنىڭ وكىلى دجون امور قاتىسادى.

جالپى اقىن، ءدىنتانۋشى، شەجىرەشى، ويشىل شاكارىم قۇدايبەردى ۇلى تۋرالى بۇل عۇمىرباياندىق كىتاپتىڭ اعىلشىن وقىرماندارىنىنا جەتۋى مەن تانىلۋى - قازاقستان ادەبيەتى مەن مادەنيەتى ءۇشىن ۇلكەن ولجا ءارى تاۋەلسىزدىك پەن ەلباسىمىز جۇرگىزىپ وتىرعان ساليقالى ساياساتتىڭ ۇلكەن جەمىسى. ۇلتىمىزدىڭ قايراتكەرلەرى مەن ساناتكەرلەرىن ۋاقىتتى جوعالتپاي وسىلايشا الەمگە كەڭ تانىتا بىلسەك، ەلدىگىمىزگە - مەرەي، مەملەكەتىمىزگە - ماقتانىش.

baq.kz