بۇگىن «مەنىڭ قازاقستانىم!» پويىزى استاناعا ورالدى

استانا. قازاقپارات - قازاقستان حالقى اسسامبلەياسى جىلى قۇرمەتىنە جولعا شىققان «مەنىڭ قازاقستانىم!» ۇگىت- ناسيحات پويىزى ەلورداعا ورالدى.

«مەنىڭ قازاقستانىم» پويىزى 23 - ناۋرىز كۇنى استانادان شىعىپ، ەلىمىزدىڭ سولتۇستىگىنەن باستاپ، باتىسى، وڭتۇستىگى، شىعىسىن تۇگەل ارالاپ، 12 مىڭ شاقىرىم جولدى ءجۇرىپ ءوتتى. 30 كۇندە ول 27 ەلدى مەكەندە بولىپ قايتتى.

پويىز دەلەگاتتارىنىڭ ارقاسىندا ءبىزدىڭ وتانداستارىمىز قازاقستاننىڭ «نۇرلى جول» جاڭا ەكونوميكالىق ساياساتى، «ماڭگىلىك ەل» جالپى ۇلتتىق ستراتەگياسى تۋرالى جان- جاقتى اقپارات الىپ، كوبىرەك بىلەتىن بولدى. ايماق تۇرعىندارى قارجى جانە الەۋمەتتىك سالا قىزمەتكەرلەرىنەن ءتۇرلى كونسۋلتاتيۆتىك كەڭەستەر الۋعا مۇمكىندىك الدى.

«مەنىڭ قازاقستانىم» پويىزىنىڭ 12 مىڭ شاقىرىمدىق ساپارى وسىمەن اياقتالدى. 30 كۇننىڭ ىشىندە ءبىز 27 ەلدى مەكەنگە ساپار جاسادىق. حالىققا ءتۇرلى كومەكتەر كورسەتىلدى، سونىمەن قاتار ولار ساپالى دارىگەرلىك تەكسەرۋدەن ءوتىپ، سىرقاتتارىنا ەم الدى. قازاقستاندىق ەسترادا جۇلدىزدارى كونتسەرتتىك باعدارلامالارىن ۇسىندى. قايدا بولساق تا، حالىق ءبىزدى جىلى قارسى الىپ جاتتى، ەڭ باستىسى - ولاردىڭ لەبىزدەرى» ، - دەيدى «مەنىڭ قازاقستانىم» پويىزىنىڭ جەتەكشىسى رۋسلان بورباسوۆ.

ايتا كەتەيىك، پويىز ساپارىنا 180 ادامداي قاتىستى. ولاردىڭ ىشىندە ق ر پارلامەنتى دەپۋتاتتارى، قازاقستان حالقى اسسامبلەياسىنىڭ مۇشەلەرى، «نۇر وتان» پارتياسىنىڭ وكىلدەرى جانە تانىمال قازاقستاندىق انشىلەر، جوعارى بىلىكتى دارىگەرلەر مەن زاڭگەرلەر بولدى.

 

 اۆتور: جاسۇلان جولدىبايەۆ