قىتاي ينۆەستورلارى سولتۇستىك قازاقستان وبىلىسىندا استىق وڭدەۋ زاۋىتىن سالۋعا نيەتتى - فوتو

پەتروپاۆل. قازاقپارات - سولتۇستىك قازاقستان وبىلىسىنىڭ اكىمى ەرىك سۇلتانوۆ قىتايدان كەلگەن ينۆەستورلارمەن تانىستى. اسپان استى ەلىنەن كەلگەن قوناقتار وبلىس اۋماعىندا جاڭا استىق وڭدەۋ زاۋىتىن سالۋدى ۇسىنۋدا.

«جوبا قۇنى - 150 ميلليون دوللار. وڭدەۋشى كاسىپورىندى اشۋ 700 ادامدى جۇمىسقا ورنالاستىرۋعا مۇمكىندىك بەرەدى»، - دەلىنگەن ءوڭىر باسشىسىنىڭ باسپا ءسوز قىزمەتى بەرگەن حابارلامادا.

 «استىق وڭدەيتىن زاۋىت سالعىمىز كەلگەن. بيداي تولىق وڭدەۋدەن وتەتىن بولادى. بۇل قالدىقسىز ءوندىرىس. استىق داقىلدارىنىڭ قالدىقتارىن مالعا جەم  جانە تىڭايتقىش رەتىندە پايدالانامىز. جالپى، ءبارى پايداعا اسىپ، ەشتەڭە ىسىراپ بولمايدى»، - دەدى قىتايلىق  Wuhan Shilinfuxing Technology & Development Co. Ltd    بىرىلەسكەن ينۆەستور- كومپانياسىنىڭ  باس ينجەنەرى گاۋ جيانفەن.

«زاۋىتتا شامامەن 1000 عا جۋىق ادام جۇمىس ىستەيدى. ولاردىڭ 700  ق ر ازاماتتارى. 300 قىتايلىق - تەحنيكالىق ماماندار، ينجەنەرلەر، باسشىلىق. الايدا جوسپاردا 5 جىل ىشىندە بۇل ماماندىقتى قازاقستاندىقتار دا يگەرەدى»، - دەدى ول.

جوسپارىمىز - اۋقىمدى ءوندىرىس قۇرۋ. زاۋىتتىڭ الاڭى شامامەن 500-700 گەكتار بولماق. ءوزارا ءىس- قيمىل ستراتەگياسىن ايقىنداپ، بىرنەشە كەزدەسۋ بارىسىندا ىنتىماقتاستىقتىڭ پەرسپەكتيۆالارىن باعالاۋدى بولجاپ وتىرمىز.