سەنىڭ داۋىسىڭ - سەنىڭ بولاشاعىڭ اتتى كونكۋرستىڭ جەڭىمپازدارى انىقتالدى
«سەنىڭ داۋىسىڭ - سەنىڭ بولاشاعىڭ» پوستەرلەر كونكۋرسى 17 -ناۋرىزدا باستاۋ العان بولاتىن. اۆتورلاردىڭ كوپشىلىگى - 18 بەن 20 جاس ارالىعىنداعى جاستار وكىلى. كونكۋرستىڭ ەڭ جاس قاتىسۋشىسى شۇعىلا ماحامبەت 14 جاستا. ول استانا قالاسىندا تۇرادى جانە قازاق ۇلتتىق ونەر ۋنيۆەرسيتەتى جانىنداعى مەكتەپتىڭ 5-سىنىبىندا وقيدى.
كونكۋرستىق جۇمىستار كىشكەنە كەنتتەردەن باستاپ ۇلكەن قالالارعا دەيىنگى قازاقستاننىڭ بارلىق وڭىرلەرىنەن جولداندى. پوستەرلەردىڭ كوپشىلىگى الماتى، اقمولا جانە باتىس قازاقستان وبلىستارىنان كەلىپ ءتۇستى - ولاردىڭ سانى بارلىق جۇمىستاردىڭ جارتىسىنان استامىن قۇرادى.
كونكۋرستىق جۇمىستاردى قابىلداۋ 15 -ساۋىردە اياقتالدى، ودان كەيىن قازىلار ەڭ ۇزدىك جۇمىستاردى تاڭدادى جانە 20 -ساۋىردە جەڭىمپازداردى ماراپاتتاۋ ءوتتى.
كونكۋرس «Sailau2015.el.kz» ارنايى تۇعىرناماسى اياسىندا، «el.kz» الەۋمەتتىك جەلىسى بازاسىندا جۇرگىزىلدى. «el.kz» جوباسى ەڭ تالانتتى جانە قىزىقتى جاس ادامداردى بىرىكتىرەدى.
قازىرگى ۋاقىتتا «el.kz» ارقاسىندا قازاقستاندىقتار، انا ءتىلى، حالىقتىڭ مادەنيەتى مەن داستۇرلەرى تۋرالى بىرەگەي ماتەريالدار جاسالىپ، سانىنىڭ ارتۋى جالعاسىپ وتىرعان پورتالدا الەۋمەتتىك جەلىلەر مەن بلوگ- تۇعىرنامالاردىڭ 190 مىڭداي پايدالانۋشى- اۆتورلاستارى تىركەلدى. پورتالدىڭ الەۋەتىندە - كرەاتيۆتى يدەيالار، بلوگتار، شولۋلار، اناليتيكالىق ماتەريالدار، فوتورەپورتاجدار مەن بەينەلەر كۇن سايىن شىعۋدا.
باس جۇلدەنى (حالىقتىق داۋىس بەرۋ) الماتى قالاسىنىڭ تۇرعىنى ەركەبۇلان ءومىرحان ۇلى قازىكەنوۆ جەڭىپ الدى.
ال قازىلار تاڭداۋى نوميناتسياسى بويىنشا ءبىرىنشى ورىن اينۇر باقىتبەك قىزى بوكينا استانا قالاسىنان)، ەكىنشى ورىن ۆيكتوريا ۆاديموۆنا رەزۋنوۆا (پاۆلودار قالاسىنان)، ءۇشىنشى ورىن ساعيدوللا حالەكەس ۇلى احتانوۆ «الماتى قالاسىنان) يەلەندى.
«كازكا» قازاقستاندىق قاۋىمداستىق نوميناتسياسى بويىنشا ءبىرىنشى ورىن بەكزات ءابىلدا ۇلى ماحامبەت (استانا قالاسىنان)، ەكىنشى ورىن ميرجان مۇحامبەت ۇلى مۇحامبەتوۆ (ورال قالاسىنان) السا، ءۇشىنشى ورىن - سۋرەتشى رەناتا ەۆسەيەۆاعا (تالدىقورعان قالاسىنان) بۇيىردى.
