ەركىن ءىلياس ۇلى: ءوز ۇلتىن جىرلاۋ كەرەك، ءوز اقىنى
2012-جىلى 45 جاسقا قاراعان شاعىندا جول اپاتىنان قازا تاپتى. مارقۇمنىڭ جىر شۋماقتارىنان وقىرمانعا ۇسىنامىز.
ۇلىلىق ايتاتىنى، جازاتىنى،
قازاقپىز تازا رۋحى، تازا ءتىلى.
ابرويىن انالىق كوتەرگەن سوڭ،
ءوز ۇلتىن جىرلاۋ كەرەك ءوز اقىنى.
سەن دەگەن ۇلى تاۋدىڭ جۇلدەگەرى،
ۇيقتاۋعا كەبىن كيىپ كىم كونەدى.
ءوز ۇلتىڭدى الدىمەن ارداقتاپ ءبىل.
ويتپەسەڭ قايتىپ ساعان ءتىل كەلەدى.
سەندەي اقىن ماقتانا الار،
امال قانشا، بىرەۋلەر تىلگە ەرەدى،
الدىمەن ءوز ۇلتىڭدى جىرلاپ سويلە،
جاقسى اكەسىن جامان دەسە كىم بەرەدى.
اقىنسىڭ ءسوزى قانجار، ار تاياعى،
شۇعىلا شاشتى جىرىڭ ورتاداعى.
قازاقتىڭ كەۋدەسى كەڭ ۇرپاعىمىز،
ارناسى نەگە جىردىڭ ورتايادى
قازاعىن تاپتاپ جاتقان اقىن از با؟
وداندا جالىعۋعا ەل تايادى.
ءبىر نارسەنىڭ بولادى كەمشىلىگى،
ارينە، نار جىعىلىپ، ەر تايادى.
جاقسىسى وكىنىشىن تەرمەن توگىپ،
جامانى كوز جاسىنا قول شايادى.
استامسىپ كورگەن ەمەس ايدىنكەر ەل،
جامانىن جاقسى دەسە شالقايادى.
ءوز ۇلتىن ءوز اقىنى ماقتاۋ كەرەك،
جاقسىنى جاقسى دەسە مارقايادى.
حالىقپىز كەمەلى باي كەرەگەلى،
عاسىر دەيتىن تىلەۋى ءبىر كەمەدەگى.
تاريحتا ولەڭىم ساقتالسا ەكەن،
وبرازدى رومانداي سورەدەگى،
جىلدار تەڭىز اۋلايمىز شاعي ولەڭ،
تۋلاتىپ اق سازانداي سورەدەگى.
ەلىندە ەردە وسەدى، ەزدە وسەدى،
اركەلكى ۇقساماعان ار ادەبى،
التىن ەل سەن كەلەت دەپ شاقىرماسا،
شاقىرعان قۇشاعىنا نەگە مەنى،
مىڭىن ايتتا، ءبىرىن ايت بۇل ورتادا،
تۇمسا جىردىڭ قونبا جىر كوبەلەگى،
قىزىقسىز حيكاياداي سەزىلەدى،
دۇنيەنىڭ بولىپ كەتسە ءبارى ادەمى!!!
Kazaitys.kz
