08:43, 20 - ءساۋىر 2015 | GMT +6
اقتاۋدا «سەنىڭ داۋىسىڭ ماڭىزدى» اۆتوشەرۋى ءوتتى - فوتو
اقتاۋ. قازاقپارات - اقتاۋدا «سەنىڭ داۋىسىڭ ماڭىزدى» اۆتوشەرۋى ءوتتى، ونى «قازاقستان-2050» جالپىۇلتتىق قوزعالىسى «جاس وتان» جاستار قاناتىمەن بىرلەسىپ ۇيىمداستىردى.
جەلبىرەگەن تۋلار ىلىنگەن اۆتوكولىكتەر تىزبەگى قالا كوشەلەرىمەن ءجۇرىپ ءوتىپ، تۇرعىنداردى 26- ساۋىردە بولاتىن پرەزيدەنتتىك سايلاۋدان تىس قالماۋعا شاقىردى.
اكسيا ۇيىمداستىرۋشىلارى اركىمگە ءوزىنىڭ ازاماتتىق بورىشىن ۇمىتپاۋعا، قوعام مەن مەملەكەت الدىندا ءوز ارەكەتتەرى ءۇشىن جاۋاپكەرشىلىكتى سەزىنۋگە شاقىردى.
«سايلاۋعا دەيىن ساناۋلى كۇندەر قالدى. ءبىز ءالى دە ازاماتتاردى الداعى سايلاۋعا بەلسەنە قاتىسۋعا شاقىرۋدامىز. مەن بۇل ءاربىر قازاقستاندىق ءۇشىن ماڭىزدى دەپ سانايمىن»، - دەدى شارا ۇيىمداستىرۋشىلارىنىڭ ءبىرى سەمباي اياعان.
