ىسكەر ايەلدەر كەڭەسى قۇرىلدى
جاڭا بىرلەستىكتىڭ باستى مىندەتى - ايەلدەردى كاسىپكەرلىككە تارتۋ جانە ولاردىڭ كاسىبي دامۋى مەن مانساپ جولىمەن ءوسۋى ءۇشىن تەڭ مۇمكىندىك جاساۋ، دەپ حابارلانعان ۇ ك پ سايتىندا.
كەڭەس كاسىپكەرلىككە تارتۋ مىندەتىمەن بىرگە ءىسىن جۇرگىزىپ وتىرعان بيزنەس سالاسىنداعى ايەلدەر قاۋىمى ءۇشىن دە پايدالى بولماق. ولارعا تۇراقتى نەگىزدە كوپتەگەن ماسەلەلەر بويىنشا، سونىمەن قاتار ەكسپورتتىق الەۋەتتى جانە جاڭا نارىقتارعا شىعۋ مۇمكىندىگىن كەڭەيتۋ جونىنەن اقىل- كەڭەستەر بەرىلەدى.
«قازاقستاندىق ايەلدەر «اتامەكەن» ۇلتتىق پالاتاسىنىڭ جاڭا باستامالارىن بەلسەندى تۇردە قولداپ، وسىلايشا ەلىمىزدىڭ ەكونوميكاسى مەن ءال-اۋقاتىنىڭ وسۋىنە ۇلەس قوسادى دەگەن سەنىمدەمىن»، - دەپ اتادى ۇكپ ءتورالقا ءتوراعاسى حاتشىلىعىنىڭ باسشىسى ءلاززات رامازانوۆا.
قوستانايدىڭ وڭىرلىك ايەلدەر كەڭەسىن «قازاقستاننىڭ حالىق بانكى» ا ق فيليالى ديرەكتورى گۇلميرا احمەتوۆا باسقارادى. العاشقى وتىرىستا ول بۇل جۇمىستىڭ جەڭىل بولمايتىنىن، ۇلكەن ەڭبەكتى قاجەت ەتەتىنىن باسا ايتتى.
«ايەلدەر باستاماسى ەرلەردىكىنەن جاسامپاز، شىعارماشىل يدەيالارىمەن، ولاردى وركەندەتۋمەن ەرەكشەلەنەدى. بيزنەستە ەرلەرمەن تەڭەسكىمىز كەلەدى، بارلىق جەردە گەندەرلىك قۇقىقتىڭ ساقتالعانىن قالايمىز»، - دەپ ءمالىم ەتتى گۇلميرا احمەتوۆا.
