قىتاي مەن ەۋروپا اراسىنداعى جۇكتىڭ كوپ بولىگى قازاقستان ارقىلى وتكىزىلمەك
بۇل تۋرالى بۇگىن استاناداعى «ەۋرازيانى قۇرۋ: جىبەك جولىنىڭ ەكونوميكالىق بەلدەۋى» اتتى حالىقارالىق كونفەرەنتسيادا ق ر ينۆەستيتسيالار جانە دامۋ ءمينيسترىنىڭ ءبىرىنشى ورىنباسارى جەڭىس قاسىمبەك ءمالىم ەتتى.
«ساراپشىلاردىڭ بولجامىنا قاراعاندا، 2020 -جىلعا قاراي قىتاي مەن ەۋروپا اراسىنداعى جۇك تاسىمالىنىڭ كولەمى 170 ميلليون توننادان اسىپ تۇسەدى. بۇگىندە بۇل جۇكتەردىڭ نەگىزگى بولىگى تەڭىز ارقىلى تاسىمالدانادى. اتاپ ايتقاندا، ءبىز ءوز الدىمىزعا جۇكتىڭ بارىنشا كوپ كولەمىن قازاقستان، رەسەي اۋماعىمەن قۇرلىق ارقىلى جەتكىزۋ ماقساتىن قويىپ وتىرمىز. وسى تۇرعىدا ءبىز ءبىرقاتار ءىرى جوبالاردى جۇزەگە اسىرۋدامىز»، - دەدى ءمينيستردىڭ ءبىرىنشى ورىنباسارى.
وسى ورايدا ج. قاسىمبەك ءبىرقاتار جوبالاردىڭ اراسىنداعى «باتىس ەۋروپا - باتىس قىتاي» حالىقارالىق ءدالىزىنىڭ ءمان- ماڭىزىنا توقتالىپ ءوتتى.
اۆتور: رۋسلان عابباسوۆ
