ارالدا ۇن شىعاراتىن ەليەۆاتور ىسكە قوسىلدى

 قىزىلوردا. قازاقپارات - ارال اۋدانى ورتالىعىنداعى توقتاپ تۇرعان كاسىپورىن ىسكە قوسىلدى. ەليەۆاتوردىڭ تاۋلىگىنە 180 توننا ءبيداي تارتىپ، ودان 150 توننا ۇن شىعارۋعا مۇمكىندىگى بار.

 بۇل تۋرالى اۋدان اكىمىنىڭ ورىنباسارى رۇستەم وتەشوۆ وبلىستىق كوممۋنيكاتسيا ورتالىعىندا وتكەن بريفينگتە ءمالىم ەتتى.

 ر. وتەشوۆتىڭ ايتۋىنشا، قازىرگى تاڭدا «رانار» ج ش س «ارالىم» ۇنىن جانە مال ازىعىندىق جەمىن ساتىلىمعا شىعارۋدا. الداعى ۋاقىتتا وسى كاسىپورىن بازاسىندا ماكارون، نان ونىمدەرىن شىعاراتىن تسەح اشۋ، اۋىل شارۋاشىلىعى ونىمدەرىن وڭدەۋ كوزدەلۋدە. قازىرگى تاڭدا كاسىپورىن 36 ادامدى جۇمىسپەن قامتىپ وتىر.

«سونداي- اق، حيميا ونەركاسىبىن دامىتۋ ماقساتىندا جاقسىقىلىش كەنتىندە كاۋستيكالىق جانە كالتسي قوسىلعان سودا ءوندىرۋ زاۋىتىن اشۋ كوزدەلىپ وتىر. قازىرگى تاڭدا زاۋىتتىڭ تەحنيكالىق ەكونوميكالىق نەگىزدەمەسى ازىرلەنۋدە» ، - دەدى اۋدان اكىمىنىڭ ورىنباسارى.

 

اۆتور: ەلۋباي اۋەزوۆ