الماتىدا «مەنىڭ قازاقستانىم» ارنايى پويىزى ەكى كۇن ايالدادى
كۇردەلى ميسسيا ارقالاپ، كوتەرىڭكى كوڭىل-كۇي ارتقان كورىكتى كەرۋەندى الماتى جۇرتشىلىعى اق تىلەكپەن قارسى الدى.
جارتى قازاقستاندى ارالاپ كەلگەن، ءوز مىندەتىن ۇلكەن ابىرويمەن اتقارعان «مەنىڭ قازاقستانىم» الماتىداعى جۇمىسىنا ىقىلاسپەن كىرىستى.
رەسپۋبليكالىق اكتسيا قاتىسۋشىلارىن سالتاناتتى تۇردە قارسى الۋ ميتينگىسى «الماتى-2» ۆوكزالىندا ءوتتى. جاستار فلەش- موب ۇيىمداستىرسا، قالا باسشىلىعىنىڭ وكىلدەرى جولاۋشىلارعا الدا كۇتىپ تۇرعان ەكى كۇندىك جۇمىستارىنا تابىس تىلەدى.
پويىز الماتىعا كەلىپ توقتاعان سوڭ، ءبىر ساعاتتان كەيىن قوعامدىق كەلىسىم مۇشەلەرى مەن ق ر پارلامەنتى ءماجىلىسىنىڭ دەپۋتاتتارى ازاماتتاردى قابىلداۋ جۇمىستارىن باستاپ كەتتى. دەپۋتات رومان كيمنىڭ ايتۋىنشا، بۇل قابىلداۋعا ءتۇرلى ماسەلەلەرمەن 5 ادام كەلگەن. ولاردىڭ تورتەۋىنىڭ ماسەلەسى تابان استىندا شەشىلسە، بىرەۋىنىڭ كوتەرگەن سۇراعى دەپۋتاتتاردىڭ اتىنان پرەزيدەنتكە جولدانعان.
سونىمەن قاتار، «تۇران» ۋنيۆەرسيتەتىندە ءبىلىم جانە عىلىم مينيسترلىگىنىڭ وكىلدەرى مەن «كاسىپقور» حولدينگىنىڭ ماماندارى بىرلەسىپ، ستۋدەنتتەرمەن كەزدەسۋ ۇيىمداستىردى. ۇيىمداستىرۋشىلاردىڭ ايتۋىنشا، Skillsshop دەپ اتالاتىن بۇل شارالار جاستاردىڭ بولاشاقتاعى كارەراسىن جاساۋعا كومەگىن تيگىزەدى. بۇدان باسقا جاڭا تەحنولوگيالار كوللەدجىندە دە شارالار ءوتىپ، وندا جۇمىسشى ماماندىقتارىنىڭ بۇگىنگى جۇمىس نارىعىندا الاتىن ورنى، ولاردىڭ ماڭىزدىلىعى تۋرالى سەمينارلار وتكىزىلدى.
«20 يگى ءىس- شارا» اكسياسى اياسىندا راديوەلەكترونيكا اسكەري ينستيتۋتىندا ارداگەرلەر كەڭەسىمەن بىرلەسكەن شارا وتكىزىلىپ، وندا ارداگەرلەرگە قۇرمەت كورسەتىلدى.
بۇدان كەيىن ق ح ا وكىلدەرى «وتباسىلىق ديناستيا» جوباسى اياسىندا «كەلەت» ا ق-نا بارىپ، ونداعى زاماناۋي جوعارى تەحنولوگيالىق قۇرال- جابدىقتارمەن تانىستى. ا ق وكىلدەرىنىڭ ايتۋىنشا، مۇنداي جوعارى تەحنولوگيالىق قۇرالدار ت م د ەلدەرىندە ءالى جوق. وسى جەردە كاسىپكەرلەرگە ارنالىپ سەمينار وتكىزىلىپ، جەتەكشى ماماندار تەگىن كونسۋلتاتسيالار بەردى.
الماتىلىقتاردى ق. قوجامياروۆ اتىنداعى رەسپۋبليكالىق مۋزىكالىق تەاترىندا وتكەن «ءبىر ەل - ءبىر تاعدىر» شاراسى دا قاتتى قىزىقتىردى. سونىمەن قاتار، 28 گۆارديالىق- پانفيلوۆشىلار اتىنداعى الاڭدا اعاش وتىرعىزۋ دا قالالىقتاردى بەي-جاي قالدىرمادى.
ح ق ك و مامانى الىبەك ەسەنقۇلوۆتىڭ مالىمەتىنشە، وسى ەكى كۇندە اۋەزوۆ اۋداندىق «حالىققا قىزمەت كورسەتۋ ورتالىعىندا» 30 دان استام ادامعا مەكەن- جاي انىقتاماسى بەرىلىپ، 15 تەن استام ازامات ەلەكتروندى سيفرلىق قولتاڭبا الدى.
اتالمىش قولتاڭبا ازاماتتىڭ ەلەكتروندىق ۇكىمەت پورتالىن ح ق ك و عيماراتىنا كەلمەي-اق، ۇيىندەگى عالامتور ارقىلى قولدانۋىنا مۇمكىندىك بەرەدى. سونىمەن قاتار، مەملەكەتتىك قىزمەت الۋعا كەلگەن ازاماتتارعا ەلەكتروندىق ۇكىمەت پورتالىنىڭ موبيلدىك جۇيەسىن جەكە تەلەفوندارىنا ورناتۋ جولدارى ۇيرەتىلدى.
ال ق ر دەنساۋلىق ساقتاۋ جانە الەۋمەتتىك دامۋ مينيسترلىگى مەديتسينالىق كومەكتى ۇيىمداستىرۋ دەپارتامەنتىنىڭ باس ساراپشىسى نۇرلان قىدىربايەۆتىڭ ايتۋىنشا، الماتىعا كەلگەن العاشقى كۇنى «مەنىڭ قازاقستانىم» پويىزىنىڭ قاتىسۋشىلارى الماتى قالالىق دەنساۋلىق ساقتاۋ باسقارماسى باسشىلارىمەن، شتاتتان تىس ماماندارمەن، مەديتسينالىق ۇيىمداردىڭ باس دارىگەرلەرىمەن، مەديتسينالىق جوعارى وقۋ ورىندارىنىڭ وكىلدەرىمەن دوڭگەلەك ۇستەل وتكىزدى.
ەرتەسىنە «مەنىڭ قازاقستانىم» پويىزىنىڭ دارىگەرلەرى الماتى قالاسىنىڭ مەديتسينالىق ۇيىمدارىنىڭ دارىگەرلەرىمەن بىرگە ەمحانادا ۇلى وتان سوعىسىنىڭ ارداگەرلەرىن قابىلدادى. اكسيا بارىسىندا 167 ادامعا، ونىڭ ىشىندە 47 بالاعا مەديتسينالىق كەڭەس بەرىلدى. ەكى بالا رەسپۋبليكالىق مەديتسينالىق ورتالىقتارعا جولداما بەرىلدى.
ءساۋىردىڭ 11 -كۇنى «مەنىڭ قازاقستانىم» پويىزىنىڭ الماتىداعى جۇمىس قورىتىندىسى بويىنشا باسپا ءسوز ءماسليحاتى بولدى. كەشكە الاتاۋ مادەنيەت سارايىندا ەسترادا جۇلدىزدارىنىڭ قاتىسۋىمەن ۇلكەن كونسەرت قويىلدى.
اۆتور: ءابۋ-اسقار مەكەش ۇلى
