ن. نازاربايەۆ قازاقستاننىڭ دۇنيەجۇزىلىك ساۋدا ۇيىمىنا كىرۋدىڭ نە ءۇشىن تەجەلىپ جاتقانىن ايتتى

استانا. قازاقپارات - بۇگىن «ەلباسىمەن بىرگە - جاڭا جەڭىستەرگە!» اتتى جاستار فورۋمىندا ەلباسى نۇرسۇلتان نازاربايەۆ قازاقستاننىڭ دۇنيەجۇزىلىك ساۋدا ۇيىمىنا كىرۋىنىڭ نە ءۇشىن تەجەلىپ جاتقانىن ايتتى.

ق ر پرەزيدەنتىنىڭ اتاپ وتۋىنشە، ءىس جۇزىندە الەمدە ءمىنسىز ەركىن نارىقتىق ەكونوميكا جوق. دەگەنمەن، ءار مەملەكەت ءوزىنىڭ مۇددەسىنە ساي قولداناتىن نارىقتىق رەتتەۋىش بار.

بارلىق دامىعان ەلدەر ءوز ونەركاسىپتەرىن، اۋىل شارۋاشىلىعى مەن بيزنەسىن تىكەلەي دوتاتسيالار ارقىلى قولداپ وتىرادى. ولار شەتەلدىك ونىمدەرگە توسقاۋىل قويادى.

«وزدەرىڭىزدە قاراڭىزدارشى، قازىرگى ۋاقىتتا ءبىز دۇنيەجۇزىلىك ساۋدا ۇيىمىنا كىرۋ باعىتىندا جۇمىس ىستەۋدەمىز. وتە قيىن كەلىسسوزدەر جۇرگىزىلۋدە. بۇل كەلىسسوزدەردى ءاربىر مەملەكەتپەن 10 جىل بويى جۇرگىزىپ كەلەمىز. ولار اۋىل شارۋاشىلىعىنا قولداۋدى تومەندەتىڭىزدەر دەيدى. بىزدە ءونىم كولەمىنە قولداۋ 4 پايىزدى قۇراماسا، فرانسيادا 25, ا ق ش جانە باسقا دا ەلدەردە مۇنان دا جوعارى. قولداۋ كورسەتپەۋ دەگەنىمىز نە؟ بۇل ءبىزدىڭ اۋىل شارۋاشىلىعىمىزدى باسەكەگە قابىلەتسىز ەتۋ. ەگەر، ولار بىزگە وسى تاۋارلاردى بەرەتىن بولسا، وندا ءبىزدىڭ اۋىلدارىمىز توقىرايدى»، - دەدى مەملەكەت باسشىسى.

ماسەلەن، ق ر پرەزيدەنتىنىڭ اتاپ وتۋىنشە، جاپونيانىڭ الەۋەتى جارتى الەمدى وزدەرىنىڭ كولىكتەرىمەن قامتاماسىز ەتۋگە قابىلەتتى. الايدا كوپتەگەن نارىق جاپونيا ءۇشىن جابىق. اتالعان ەلدەر ءوز نارىقتارىن قورعاپ وتىر. دامىعان ەلدەردە كولىكتەردى اكەلۋگە شەكتەۋ مەن كۆوتا دا بار.

اۆتور: مارلان جيەمباي