سايلاۋ: ەلوردالىق ءماسليحات دەپۋتاتتارى ۋچاسكەلىك كوميسسيا قۇرامىن بەكىتتى
ەلوردالىق ءماسليحات اپپاراتىنىڭ باسشىسى ۆەرا پىتيەۆا سەسسياعا قاتىسۋشىلاردى «قازاقستان رەسپۋبليكاسىنداعى سايلاۋلار تۋرالى» كونستيتۋتسيالىق زاڭىنا سايكەس سايلاۋ ۋچاسكەلەرىن قۇرۋ اكىمنىڭ وكىلەتتىلىگىندە، سايلاۋ كوميسسيالارىن قۇرۋ ءماسليحاتتىڭ وكىلەتتىلىگىندە ەكەندىگىنەن حاباردار ەتتى.
استانا قالاسى اكىمىنىڭ جاڭا 255№ سايلاۋ ۋچاسكەسىن قۇرۋ تۋرالى شەشىمىنىڭ ناتيجەسىندە ۋچاسكەلىك كوميسسيا قۇرۋ قاجەتتىلىگى تۋىندادى.
ۋچاسكەلىك سايلاۋ كوميسسياسىنىڭ قۇرامىنا جەتى ادام كىرەتىنىن جانە جەتى ۇمىتكەر ۇسىنىلعانىن ەسەپكە الا وتىرىپ، دەپۋتاتتار 255№ سايلاۋ ۋچاسكەسىنىڭ قۇرامىن ءبىراۋىزدان بەكىتتى.
بۇدان بولەك، ۆەرا پىتيەۆا دەپۋتاتتارعا سايلاۋ كوميسسياسىنىڭ 32 مۇشەسىنەن ءار ءتۇرلى سەبەپتەرمەن مىندەتىنەن بوساتۋ تۋرالى ءوتىنىش كەلىپ تۇسكەنىن ايتتى.
سەسسياعا اۋداندىق سايلاۋ كوميسسيالارىنىڭ مۇشەلەرى مەن بۇقارالىق اقپارات قۇرالدارىنىڭ وكىلدەرى قاتىستى.
