دوستىق پەن ماحابباتتى قالاي اجىراتامىز؟
1) سەرىگىڭىزدىڭ جۇبى (قىزى نە جىگىتى) بار جانە ءسىز ولار ءۇشىن شىن قۋانىشتىسىز.
بۇل - ناعىز دوستىقتىڭ بەلگىسى. سەرىگىڭىزدىڭ ءوز جۇبىن تاۋىپ، باقىتتى بولعانىن تىلەپ، ءسىز، دوسىڭىز جانە ونىڭ جۇبى - ۇشەۋىڭىز «ۇشتىك وداق» قۇرساڭىزدار، شىنايى دوستىق دەپ ءبىلىڭىز.
2) دوسىڭىزدىڭ جۇبىنان كەمشىلىك ىزدەسەڭىز، ءسىزدىڭ دوسىڭىزعا دەگەن دوستىقتان دا ەرەكشە سەزىمىڭىز بار دەگەن ءسوز.
دوسىڭىزدىڭ تانىستىرعان قىزدارى (جىگىتتەرى) ءسىز ءۇشىن «اقىماق»، ەرسى، قىزىقسىز بولىپ كورىنسە نە جاقسى قاسيەتتەرىن 0 گە ەسەپتەپ وتىرساڭىز، بۇل بەكەر ەمەس.
3) ەگەر دوسىڭىزدىڭ جانىندا ءوزىڭىزدى «قاتتى» ەركىن ۇستاساڭىز، شىنىمەن، سىزدەر - دوسسىزدار.
دوستار ءبىر-ءبىرىنىڭ جانىندا بوياۋسىز (قىزدار ءۇشىن)، ەمىن-ەركىن كۇلىپ-ويناپ، ەركە قىلىقتارىن تانىتادى.
4) ال ەگەر دوسىڭىزدىڭ جانىندا قوبالجىپ، قىسىلىپ وتىرساڭىز، بۇنىڭ دا سەبەبى بار دەگەن ءسوز.
ونىڭ قاسىندا سىمباتتى، اقىلدى، يناباتتى كورىنگىڭىز كەلەدى. قوبالجىساڭىز دا جانىنان ءبىر ەلى قالعىڭىز كەلمەيدى. بۇنىڭ ءبارى - ءسىزدىڭ سەزىمىڭىزدىڭ كورىنىسى.
5) ەگەر دوسىڭىزدى كۇنى-ءتۇنى ويلاپ، ۋايىمداساڭىز، ونى «دوستار تىزىمىنەن» شىعارا بەرسەڭىز بولادى.
ادەتتە دوستارىڭىزدىڭ بەيۋاقىتتا نە ىستەپ جاتقانى، قايدا كىممەن بارعانى اسا قىزىقتىرمايدى. ال «ونىڭ» تاۋعا كىممەن شىققانى، تورتتى كىمگە العانى، نە ءۇشىن كەش قايتقانى ءسىزدى بەي-جاي قالدىرمايدى. بۇل جاعداياتتار سىزگە تانىس بولسا، دوستىق پەن ماحابباتتىڭ اراسىن شەشۋگە تۋرا كەلەدى.
6) دوسىڭىز الدە بىرەۋدى كينوعا شاقىرسا، نە بەيمەزگىل ۋاقىتتا تەلەفونى شىرىلداسا، مازاڭىز كەتە مە؟
كىممەن سويلەسىپ جاتىر ەكەن؟ الەۋمەتتىك جەلىسىندە، ۇنەمى قوڭىراۋ شالاتىندار تىزىمىندە كىم ءبىرىنشى تۇر ەكەن؟ ونىڭ سۋرەتىنە كىم قانداي پىكىر قالدىردى ەكەن؟ بۇل سۇراقتاردىڭ ءتىزىمى بىتپەسى انىق. ءسىز دە وسى سۇراقتىڭ جاۋابىن بىلگىڭىز كەپ جۇرسە، دەمەك، ءسىز دوسىڭىزعا عاشىقسىز.
ءبىزدىڭ جاۋابىمىز مىنە، وسىلاي، قۇرمەتتى وقىرمان... ال ءسىز دوستىق پەن ماحابباتتى قالاي اجىراتاسىز؟
massaget.kz
