ق ر پرەزيدەنتى ەلدىڭ كولىك ينفراقۇرىلىمىن دامىتۋدىڭ ماڭىزىن اتاپ ءوتتى
كولىك- لوگيستيكالىق كەشەنىنىڭ جالپى اۋدانى 12400 شارشى مەتر قويما بولمەلەرى بار، ولار ءورت ءسوندىرۋ، بەينەباقىلاۋ، دابىل جۇيەلەرىمەن جاراقتانعان. تاۋار اعىندارىن وڭدەۋ زاماناۋي قويما جابدىقتارى قولدانىلىپ جۇزەگە اسىرىلادى، بارلىق تاۋارلاردىڭ جىلجۋى ارنايى ۇيالى تەرمينالداردا ناقتى ۋاقىتپەن بەينەلەنەدى. ونداعان كومپانيالار، سونىڭ ىشىندە تانىمال كاسىپورىندار دا ءارتۇرلى تاۋارلارىن وسى جەردە ساقتايدى.
«Accent Logistics» ج ش س قۇرىلتايشىسى سامات ورماعامبەتوۆ مەملەكەت باسشىسىنا كولىك- لوگيستيكالىق ورتالىقتىڭ مۇمكىندىكتەرى تۋرالى باياندادى، ول ورتالىقتىڭ رەسپۋبليكانىڭ ترانزيتتىك الەۋەتىن ەلەۋلى ارتتىراتىنىن اتاپ ءوتتى. ورتالىقتىڭ قۋاتتىلىعى 17 مىڭ ورىننان اسادى، ونىڭ اۋماعى 4,7 گەكتار، قويما اۋدانىنىڭ كولەمى 124000 شارشى مەتردى قۇرايدى.
ءوز كەزەگىندە، ق ر پرەزيدەنتى ەلدىڭ كولىك ينفراقۇرىلىمىن دامىتۋدىڭ ماڭىزى تۋرالى ايتتى، «نۇرلى جول» جاڭا ەكونوميكالىق ساياساتى ونى ورىستەتۋگە باعىتتالاتىنىن اتاپ كورسەتتى.
