12:09, 03 - ءساۋىر 2015 | GMT +6
شاڭحايداعى قازاقستاندىق ستۋدەنتتەر پرەزيدەنت سايلاۋىن قولداپ، بەينە ۇندەۋ جازدى - كەسكىن
بەيجىڭ- شاڭحاي. قازاقپارات - قىتايداعى قازاقستاندىق ستۋدەنتتەر قاۋىمداستىعىنىڭ (KSAC) شاڭحاي ءبولىمىنىڭ بەلسەندىلەرى ق ر ب ع م ازيا جانە وكەانياداعى «حالىقارالىق باعدارلامالار ورتالىعى» وكىلدىگىمەن بىرلەسىپ ق ر پرەزيدەنتى سايلاۋىن شاڭحاي قالاسىندا ۇيىمداستىرۋ جانە وتكىزۋ ءۇشىن بەينە ۇندەۋ جاسادى.
«ءبىز ءوز تاڭداۋىمىزدى جاسادىق! ءبىز تاۋەلسىز، تۇراقتى، دامىعان جانە گۇلدەنگەن بولاشاق ءۇشىن داۋىس بەرەمىز! العا، قازاقستان!» - دەلىنگەن ۇندەۋدە.
بەينە بايان بيىلعى جىلدىڭ 26- ساۋىرىندە وتەتىن پرەزيدەنتتىك سايلاۋدا شاڭحاي قالاسىندا جانە جىجياڭ، فۋجياڭ، جياڭسۋ، جياڭچي جانە انحۇي پروۆينتسيالارىندا جۇرگەن قازاقستان ازاماتتارى ق ر- نىڭ شاڭحاي قالاسىنداعى باس كونسۋلدىعىنىڭ جانىنداعى 244№ سايلاۋ ۋچاسكەسىندە داۋىس بەرە الاتىنىن ەسكە سالادى.
