بريتانيادا مۇسىلماندارعا ارنالعان ءساندى كيىم ساتاتىن العاشقى بۋتيك اشىلدى

استانا. قازاقپارات - مۇسىلماندارعا ارنالعان كيىم تىگەتىن الەمگە بەلگىلى Aab كومپانياسى ۇلى بريتانيا استاناسىندا ءوز بۋتيگىن اشتى. دۇكەن جۇمىسىنىڭ ءبىرىنشى كۇنىندە لوندوننىڭ ەكى مىڭنان استام تۇرعىنى كەلدى.

بۋتيكتەن حيدجاب، ابايي، دجيلبابى، سونداي-اق ءتۇرلى اكسەسسۋارلار (شاش قىستىرعىشتارى، سومكەلەر، اشەكەي بۇيىمدارى) ساتىپ الۋعا بولادى، دەپ جازدى روسبالت.

جىبەكتەن تىگىلگەن ليۋكس كلاسىنداعى حيدجاب قۇنى شامامەن 40 فۋنتتى ($60) قۇرايدى.

2007-جىلى اشىلعان كومپانيانىڭ كرەاتيۆتى ديرەكتورى نازمين اليم برەند ءوز كوللەكتسياسىن زاماناۋي مودا نەگىزىندە جاسايتىنىن ايتتى.

ساراپشىلار  ۇلى بريتانيادا بۇل كيىم نارىعىنىڭ ءبىر جىلداعى اينالىمىن ءجۇز ميلليون فۋنتقا ($147 ميلليون) باعالاپ وتىر.