ءسابينا التىنبەكوۆا قازاقستان پرەزيدەنتتىگىنە ۇمىتكەرلەردىڭ بىرىنە سەنىمدى ۋاكىل بولدى
ول سەنىمدى ۋاكىل رەتىندە 16- ناۋرىزدا تىركەلدى. قازاقستان پرەزيدەنتىنىڭ كەزەكتەن تىس سايلاۋى 2015-جىلى 26- ساۋىردە وتەدى. ۇمىتكەرلەردىڭ قاتارىندا مەملەكەتتىڭ قازىرگى باسشىسى نۇرسۇلتان نازاربايەۆ، ءوزىن-ءوزى ۇسىنعان ءابىلعازى قۇسايىنوۆ پەن قازاقستان كوممۋنيستىك حالىق پارتياسىنىڭ وكىلى تۇرعىن سىزدىقوۆ بار.
ورتالىق سايلاۋ كوميسسياسىنداعىلاردىڭ ايتۋىنشا، كانديداتتاردىڭ سايلاۋ شارالارىن وتكىزۋىنە كومەكتەسەتىن، سايلاۋالدى ۇگىت-ناسيحات جۇرگىزىپ، ولاردىڭ مۇددەسىنە وكىلدىك ەتەتىن سەنىمدى ۋاكىلدى الۋعا قۇقىقتارى بار. كانديداتتار سەنىمدى ۋاكىلدەرىن وزدەرى تاڭدايدى، تەك ولاردىڭ ءتيىستى سايلاۋ وكرۋگتەرىندە ورنالاسقان ءار سايلاۋ ۋچاسكەسىندەگى سانى ءۇش ادامنان اسپاۋى ءتيىس جانە تىركەۋ ءۇشىن ولار تۋرالى ءتيىستى سايلاۋ كوميسسياسىنا حابارلانادى. سەنىمدى ۋاكىلدەر تىركەلگەننەن كەيىن ولارعا ءتيىستى كۋالىك بەرىلەدى.
ورتالىق سايلاۋ كوميسسياسىنىڭ سايتىنداعى مالىمەت بويىنشا، سەنىمدى ۋاكىل قازاقستان رەسپۋبليكاسىنىڭ ازاماتى بولۋى ءتيىس جانە ول قانداي دا ءبىر سايلاۋ كوميسسياسىنىڭ مۇشەسى، مەملەكەتتىك ساياسي قىزمەتتەگى ادام بولا المايدى.
18 جاستاعى ۆولەيبولشى ءسابينا التىنبەكوۆا ازيادا 2014-جىلى تانىمال بولعان ەدى. ازيا جاستار اراسىنداعى چەمپيوناتتا ونىڭ سۇلۋلىعىنا جانكۇيەرلەر مەن جۋرناليستەر نازار اۋدارىپ، بۇدان كەيىن قازاقستاندىق جاس سپورتشى اتاقتى بولا كەتتى. وعان كوپتەگەن ۇسىنىستار ءتۇستى، ءتىپتى بەلگىلى برەندتەردىڭ تۇلعاسى بولۋ تۋرالى ۇسىنىستار بولدى.
قازاقستان پرەزيدەنتى نۇرسۇلتان نازاربايەۆ اقوردادا وتكەن قىز-كەلىنشەكتەرمەن كەزدەسۋى بارىسىندا ءسابينا التىنبەكوۆاعا ەرلەردىڭ ماقتاۋىنا سەنبەۋدى ەسكەرتتى.
«سەن جولىڭنان تايما. ەر ادامدار كەيدە ماقتاپ وتىرىپ، وتىرىك ايتادى. ءوز-وزىڭە سەن، سوندا ءبارى جاقسى بولادى. جاقسى سپورت. بار بولعانى 18 جاستا تانىمال بولدى، ب ا ق ونى چەمپيوناتتىڭ ەڭ ادەمى ۆولەيبولشىسى دەپ اتادى»، - دەدى نازاربايەۆ التىنبەكوۆاعا.
