بىرىككەن اراب ارمياسى كىمگە قارسى؟
قىسقاسى ارنايى ماقساتقا جۇمىلدىرىلماقشى. بۇل ماسەلە 29- ناۋرىزدا مىسىردىڭ شارم-ەش-شەيح شاھارىندا وتكەن ل ا گ- تىڭ سامميتىندە شەشىلگەن. ل ا گ ەلدەرى بىرىككەن اسكەري كۇشكە قوسىلۋعا ەرىكتى تۇردە كىرەدى. بىرىككەن ارميانىڭ ماقساتى - ايماققا تونەتىن قاۋىپكە دەر كەزىندە جاۋاپ بەرۋ.
ءبىر قاراعاندا ءبارى سولاي كورىنگەنىمەن، مۇنىڭ ارتىندا وزگە دە ماقسات جاتۋى مۇمكىن. ماسەلەن، يەمەننىڭ قازىر جارتى بولىگىن باسىپ العان شييتتىك توپقا كىرەتىن حۋسيتتەردى يران قولداپ وتىر. ال يران - ساۋد ارابياسىنىڭ اتا جاۋى. ايماقتاعى باسەكەلەسى. حۋسيتتەردىڭ ادەن جانە حودەيد سەكىلدى پورتتى قالالاردى باسىپ الۋى، وڭىردەگى مۇناي وندىرەتىن سۇنيتتىك اراب ەلدەرىن تىعىرىققا تىرەدى.
ويتكەنى بۇل ەلدەردە شىعارىلاتىن قارا التىن ا ق ش پەن ەۋروپاعا وسى ادەن بۇعازى مەن باب-ەل-ماندەب شىعاناعى ارقىلى جەتكىزىلەتىن. ەندى سوعان قاۋىپ ءتونىپ تۇر. ەندى قايتپەك كەرەك؟ افريكانى اينالىپ جول تارتۋ، تاۋاردىڭ قۇنىن كوتەرىپ جىبەرەدى. دەمەك، قالايدا حۋسيتتەردى «جۋاسىتۋعا» كىرىسۋى كەرەك. بۇل ورىندالىپ تا جاتىر. ءبىر اپتا بولدى، ساۋد ارابياسى مەن ونىڭ وداقتاستارى يەمەندى بومبالاۋدى قولعا الدى. ءبىراق ودان حۋسيتتەردىڭ ەكپىنى توقتاي قويا ما؟ بەلگىسىز.
كەيبىر ساراپشىلاردىڭ پىكىرىنشە، بىرىككەن اراب اسكەرىنىڭ وداعى ايماقتاعى وتتى نۇكتەلەردى «تۇنشىقتىرۋ» ءۇشىن ن ا ت و- نىڭ ورنىن ايىرباستاماق. جالعىز يەمەندە عانا ەمەس، جاعدايى ۋشىعىپ تۇرعان ليۆيا، يراك، سيريا، سومالي، سۋدان سەكىلدى ەلدەردەگى تۇراقسىزدىقتى رەتتەۋگە ارالاسپاق. «ەڭ باستىسى - دەيدى ساراپشىلار - سۇنيتتىك ەلدەر قۇراندى اسكەر قۇرۋداعى ماقساتى - يراندى اۋىزدىقتاۋ. كەشەگە دەيىن ساۋد ارابياسى يراندى جۋاسىتۋ ءۇشىن ا ق ش كومەكتەسەدى دەپ، سوعان سەنىپ كەلدى. ءبىراق يراننىڭ يادرولىق باعدارلاماسىنا بايلانىستى جۇرگىزىلىپ جاتقان «التىلىقتىڭ» جيىنى يراننىڭ ىڭعايىنا قاراي يكەمدەلىپ كەلەدى.
الداعى ايدا ا ق ش پەن يران ءبىر شەشىمگە كەلەتىن بولسا، وندا بىرتە-بىرتە سانكسيا الىنىپ تا تاستالۋى مۇمكىن. بۇل ەر- ريادقا ۇنامايدى. سوندىقتان وداقتاستارىن جيناپ، تەھرانعا ءوزى سوققى بەرمەك» دەيدى. بۇل بولجام قانشالىقتى شىندىققا جاناسىمدى؟ يران وڭاي شاعىلاتىن جاڭعاق ەمەس. بۇگىنگى تاڭدا 700 مىڭنان استام ارمياسى بار. رەزەرۆتە دايىندىقتان وتكەن 10 ميلليون ادام تۇر.
ال سوعىس جاعدايىندا يران 20 ميلليون ادامدى قارۋلاندىرىپ، جاۋعا قارسى قويا الاتىن مۇمكىندىككە يە. مۇنىڭ سىرتىندا پارسى شىعاناعىندا يراننىڭ جاقتاستارى جەتكىلىكتى. ول - ليۆانداعى «حەزبوللا» ، يەمەندەگى «انسار اللاح»، سيرياداعى الاۆيتتەرمەن حريستاندار ت. ب. الاپات كۇشكە يە يرانعا وزگەلەردىڭ كۇشى كەلە قويار ما ەكەن؟
«ايقىن»
